Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Të enjten CS:GO u bë falas për të gjithë në Steam dhe iu shtua edhe një battle royale mode e quajtur Danger Zone. Mendohej se ky do të vinte si një lajm fantastik por 14,327 kritika negative në Steam vetëm një ditë pas publikimit të këtij lajmi sugjerojnë të kundërtën.
Shumica e përdoruesve janë të pakënaqur për pjesën e të luajturit falas se sa për mode-in battle royale. Lojtarët janë të pakënaqur që një lojë për të cilën ata deri para pak ditësh shpenzuan para për ta marrë, është tani falas për të tjerët. Pjesa tjetër pastaj po shpresonte të merrte ndonjë shpërblim që e kishin blerë lojën para të enjtes, përshembull ndonjë skin ose ndonjë armë. Shumë prej tyre janë të bindur se çuarja e lojës falas do sjellë fluks hileqarësh dhe hacker-ash. Madje një pjesë e tyre duan edhe rimbursim që e blenë lojën pa e ditur këtë që do bëhej në të ardhmen.
Pjesa tjetër e kritikave negative lidhet me ndryshimet e bëra në Prime matchmaking. Më përpara, kjo ishte e limituar për lojtarët që shtonin një numër telefoni në lojë dhe arrinin Rank 21. Tani kushdo që e ka blerë lojën para tranzicionit të saj falas, kalon automatikisht në Prime.
Gjithsesi nuk janë të gjitha negative. Në të njejtën ditë sistemi mori 7000 kritika pozitive dhe numri i lojtarëve është më i larti i vitit. Si zakonisht kritikat në Steam nuk duhet të merren parasysh për gjykimin e lojës, por duhet të shihen si pakënaqësira që përdoruesit kanë hasur me një vendim ose ndryshim të momentit që mund të kenë bërë zhvilluesit.
