Një fans i CS:GO ka krijuar një hartë të frymëzuar nga filmat më të frikshëm të Halloween

Halloween është periudha më e frikshme e vitit dhe me këtë rast fansat e Counter Strike: Global Offensive kanë një surprizë të këndshme të rezervuar për ta. Përetj faktit që është një esport shumë kompetitiv, CS:GO ka një komunitet gjigand të dedikuar për bërjen e hartave speciale për këtë first-person-shooter, dhe një prej këtyre njerëzve ka sjellë një hartë fiks për Spooktober.

Përdoruesi i Steam, Nipper, ka rikrijuar disa nga shtëpitë më të njohura të Halloween për hartën e tij “trick or treat”, të dizenjuar specifikisht për të trembur lojtarët që mund të jenë në pritje të një loje normale. Rrugët janë të mbushura me makina të braktisura dhe arkivola bosh.

Gjithsesi, për ata që janë me zemër të dobët ka edhe shumë kunguj dhe shtriga të lezetshëm të përhapur në hartë. Duket se të gjitha shtëpitë janë frymëzuar nga një film i caktuar si: Amityville, Nightmare on Elm Street dhe Psycho, por në fund të ditës interpretimi është i lirë.

Lojtarët do të duhet të përballen me frikërat e tyre për të shpetuar pengje ose për të mposhtur kundërshtarët e tyre në këtë hartë të frikshme. Gjithsesi raportohet se ata mund të përballen me surpriza nëse i bien ndonjë zileje ose dere.

Harta e Halloween momentalisht ka pesë yje bazuar në afërsisht 400 reviews. Nëse doni të futeni në shpirtin e Halloween, por nuk doni të luani një lojë plotësisht horror, kjo hartë e CS:GO mund të jetë balanca perfekte. Klikoni linkun këtu për ta shikuar vetë.