Zhvilluesit e CoD: mobile po kërkojnë mënyra për të reduktuar masën e lojës

Që pas lançimit të Call of Duty: Mobile në tetor të 2019s, Activision ka shtuar një sërë veçorish të reja në lojë. Kjo përfshin harta të reja, modes, armë, ushtarë, skins etj.

Teksa ky shtim contenti i mban lojtarët e angazhuar përgjatë kalimit të kohës, ai gjithashtu rrit përmasat e lojës. Momentalisht CoD: Mobile  zë 5.5 GB në iOS dhe Android.

Në një update të komunitetit të mbajtur së fundmi në Reddit, një përdorues pyeti nëse Activision kishte në plan të reduktonte përmasën e lojës. Si duket përgjigjia e kësaj është po.

“Jemi në dijeni të përmasës së përgjithshme të lojës dhe po kërkojmë mënyra për ta reduktuar atë,” shkruajti zhvilluesi. “Kjo është arsyeja kryesore pse duam të shtojmë opsionin që me çdo update të madh, lojtarët të mund të shkarkojnë vetëm atë pjesë të update-it që duan.”

Kompania shtoi se po kërkonte për mënyra që ta reduktonte këtë pa cënuar content-in e ri. Detajet për mënyrën se si zhvilluesit kanë në plan ta bëjnë këtë ende nuk janë zbuluar.

Mbetet të presim dhe të shohim se çfarë masash konkrete do të marrë kompania për këtë.