Çmimi, lojërat dhe detajet e lançimit të Google Stadia do të zbulohen të enjten

Jemi më pak se një javë larg nga E3, por Google nuk ka ndërmend të presë për të zbuluar misterin pas Stadia. Google e njoftoi shërbimin streaming të Stadia në GDC më herët këtë vit dhe sado që shumë detaje teknike u zbuluan në atë konferencë, kishte disa mungesa në mënyrën se si ajo do të vinte te lojtarët.

Në 6 qershor, do të mbahet transmetimi i Stadia Connect, ku kompania do të zbulojë më shumë detaje rreth Stadia, përfshirë këtu çmimin, lojërat dhe detajet e lançimit. Praktikisht të gjitha gjërat që kemi dashur të dimë që pas njoftimit të parë.

Ne dimë se data e lançimit të Stadia është planifikuar për këtë vit, por ka ende shumë pikëpyetje të papërgjigjura. Kryesisht këto të fundit rreth lojërave që do të sjellë ky shërbim. Nëse jeni të interesuar mund ta shikoni stream-in në link-un e mëposhëm.