Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Një listë me gjithçka që pritet të zbulohet në eventin e ardhshëm të Apple
Eventi i Apple për iPhone 11 do të nisë në 10 shtator dhe kompania duket se do të lançojë disa produkte të reja, së bashku me shumë update për software-in dhe shërbimet e saj dhe mbase dhe një as të fshehur nën mëngë. Për t’iu dhënë më shumë informacion se çfarë pritet të ndodhë gjatë konferencës “By innovation only”, kemi krijuar këtë listë të gjërave që priten të zbulohen gjatë saj.
iPhone të rinj
Cila konferencë e iPhone do të ishte e kompletuar pa yjet e shfaqjes? Gjatë evetit për iPhone 11, Apple pritet të zbulojë tre modele të reja, për të cilët ka zëra se njëri prej tyre do të ketë një emër të ri me prapashtesën “Pro.” Sipas disa leaks për kasat e këtyre telefonave, pasuesi i iPhone XR pritet të quhet iPhone 11, ndërsa pasuesit e iPhone XS dhe iPhone XS Max do të quhen iPhone 11 Pro dhe iPhone 11 Pro Max dhe do të kenë një stylus.
Edhe pse dizajni pritet të jetë në pamje të parë i njëjtë, padyshim që do të ketë ndryshime të shumëta, si për shëmbull mundësia për të bërë wireless charge telefona të tjerë, bater më e madhe, më shumë kamera dhe një karikues 18W i përfshirë. Modeli i këtij viti nuk do të suportojë 5G, prandaj për këtë duhet të prisni vitin tjetër. Eventi i iPhone 11 padyshim që do të zbulojë gjërat më të mira që ofron Apple me pajisjen që shet më shumë.
Model i ri i Apple Watch
A do të vijë Apple Watch Series 5 apo do të kemi thjesht një përmirësim të Apple Watch Series 4? Duket se duhet të kryqëzojmë gishtat, pasi një model i ri i Apple Watch pritet të vijë gjatë gjysmës së dytë të këtij viti me ekrane OLED. Megjithatë, është zbuluar se Apple gjithashtu mund të lançojë të njëjtin model por me pamje të reja Titanium dhe Ceramic. Çfarëdo versioni që vendos kompania të shesë, padyshim që do të kenë brenda tyre EKG dhe një opsion tjetër që mat gjumin tuaj.
MacBook Pro i ri
Apple kurrë nuk ka zbuluar një MacBook Pro gjatë konferencave të tyre në shtator, por mbase konferenca e iPhone 11 mund të jetë e para kur kjo gjë ndryshon. Versioni 15 inch i MacBook Pro ka krijuar shumë polemika, pasi ka patur probleme duke nisur nga problemet e nxehjes e duke kaluar tek problemet me mekanizmin e tastierës. Me gjithë këto probleme, pajisja ka një çmim shumë të shtrenjtë. Apple pritet të lançojë një MacBook Pro me të njëjtën madhësi por me bezels më të vogla, i cili pritet të ketë një rezolucion 3072×1920 dhe procesorë Core i9 të gjeneratës së fundit. Megjithatë, në qoftë se kjo do të ndodhë, pajisja pritet të ketë një çmim prej $3.000.
iOS 13
Data e lançimit të iOS 13 pritet të zbulohet gjatë eventit të iPhone 11. Siç e keni kuptuar tashmë, hardware nuk janë e vetmja arsye për t’u tërhequr nga kjo konferencë. Pajisjet që mund ta përdorin këtë sistem do të kenë mundësi të përdorin një tastierë të re të quajtur QuickPath dhe shortcut-e të reja për Siri. Gjithashtu, Siri do të mund t’i kthejë përgjigje menjëherë mesazheve që të vijnë. Le të mos harrojmë në fund Dark Mode që pritet të vijë me këtë update.
iPadOS 13
iPadOS u zbulua gjatë WWDC dhe pritet t’i sjellë përdoruesëve të iPad një eksperiencë shumë më pranë asaj të laptopit. Përdoruesit mund ta marrin këtë update pasi eventi i iPhone 11 të përfundojë dhe do të kenë mundësi të përdorin veçori të reja si hapja e shumë window-ve të ndryshme për një aplikacion njëherësh. iPadOS 13 gjithashtu mbështet hard disk të jasthëm dhe kartat SD vetë, pa pasur nevojë për asgjë shtesë. Do të përmirësohet gjithashtu dhe Safari, duke sjellë një eksperiencë të ngjashme me atë në desktop.
watchOS 6
Për disa versione të Apple Watch, watchOS 6 pritet të vijë më vonë këtë vit dhe data pritet të zbulohet pas konferencës së iPhone 11. Veçori të reja të watchOS 6 përfshijnë fusha të reja ore, si dhe aplikacione të reja si Calculator, Audiobooks, Voice Memos dhe një App Store të dedikuar për watchOS.
macOS Catalina
macOS Catalina ose ndryshe macOS 10.15 u zbulua gjatë WWDC dhe pas konferencës së iPhone 11, përdoruesit e Mac nuk do të shohin më aplikacionin iTunes. Kjo do të ndodhë sepse ai do të zëvendësohet me aplikacione të veçanta për Music, TV dhe Podcasts. Një tjetër veçori e re e quajtur Sidecar do t’i lejojë përdoruesit të përdorin një iPad si një ekran ekstra për një Mac. Gjithashtu ndryshime do të ketë dhe veçoria Find My, që do të bashkojë Find My iPhone dhe Find My Friends së bashku. Gjithashtu macOS Catalina do të ketë dhe kontroll me zë.
tvOS 13
tvOS 13 gjithashtu do të lançohet pas eventit të iPhone 11. Veçori të reja që pritet të vijnë janë preview-t që mund të përdoren si dhe suport për controller-at e Xbox One dhe Playstation 4, duke i dhënë mundësi përdoruesëve t’i përdorin ato për të luajtur lojëra në Apple TV. Gjithashtu do të vijnë dhe screensaver-s në HDR.
