Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Clubhouse është një aplikacion hibrid midis një podcast dhe konferencave me të famshëm, i cili mund të ndodhi kudo, në çdo kohë dhe ju mund të merrni pjesë në të vetëm nëpërmjet ftesave.
Nëse jeni të interesuar në industrinë e teknologjisë, është e vështirë të mos keni dëgjuar për Clubhouse. Duke pasur më pak se një vit nga lançimi, aplikacioni tashmë duket se do jetë suksesi i radhës si media sociale, por me një qasje shumë të ndryshme nga e zakonshmja. Filloi në SHBA dhe tani mesatarisht vlerësohet në $1 miliard. Pavarësisht se ju mund të futeni në Clubhouse vetëm me një ftesë në aplikacion, ka një çmenduri të madhe rreth tij, sepse ka përdorues jashtëzakonisht të famshëm si Elon Musk, Mark Zuckerberg, Drake, Kanye West, Chris Rock dhe të tjerë.
Le të vazhdojmë me përgjigjet e pyetjeve më kryesore.
Çfarë është Clubhouse?
Clubhouse është një rrjet social i bazuar në audio që filloi në Mars 2020, krijuar nga Paul Davison dhe Rohan Seth. Brenda aplikacionit, ka dhoma virtuale në të cilat mund të hyni për të dëgjuar ose marrë pjesë në një bisedë që ka një temë specifike. Gjithashtu ju vetë mund të krijoni një “dhomë” për një temë të caktuar.
Si funksionon?
Në faqen kryesore të Clubhouse (The Hallway), ju mund të lëvizni nëpër të gjitha “dhomat” që janë live për momentin dhe të bashkoheni me ato që mund t’ju interesojnë. Sapo të hyni brenda, mund të dëgjoni ose të ngrini dorën, duke shtypur një buton, nëse keni diçka për të thënë. Një moderator në dhomë do t’ju lejojë “on stage”, gjë që në thelb ju jep leje për të folur.
Ju gjithashtu mund të formoni dhe të bashkoheni me klube të tjera brenda Clubhouse, të cilat aplikacioni i përshkruan si “interest-based groups”. Për më tepër aplikacioni ka një kalendar që tregon ngjarjet e ardhshme, si p.sh: diskutimi i një filmi. Nëse shihni diçka interesante, mund të vendosni një njoftim rikujtues.
Si mund të marr një ftesë?
Clubhouse është ende në beta, kështu që nuk mund thjesht ta shkarkoni dhe të bëheni pjesë e klubeve. Për të marrë pjesë, ju duhet një ftesë nga dikush që është tashmë në aplikacion. Një mënyrë alternative është të futeni në listën e pritjes, duke shkarkuar aplikacionin (për momentin, është i disponueshëm vetëm për iOS) dhe duke vendosur numrin tuaj të telefonit.
A duhet të flas apo thjesht mund të dëgjoj?
Ju nuk keni asnjë detyrim të flisni. Sidoqoftë është e rëndësishme të keni parasysh madhësinë e “dhomës”. Disa dhoma mund të tërheqin afërsisht 2000 njerëz në audiencë. Ju patjetër që mund mos të flisni atje nëse s’keni dëshirë. Por nëse ndodh që të jeni në një dhomë me ndoshta 5 persona të tjerë, mund të jetë pak e sikletshme nëse nuk thoni asgjë, kështu që kontrolloni se sa njerëz janë në dhomë së pari, nëse preferoni vetëm të dëgjoni.
Pse është Clubhouse kaq i njohur?
Ekzistojnë disa faktorë kontribues se pse Clubhouse është bërë kaq i kërkuar. Së pari, ai nisi herët në pandemi, kur mbledhja fizikisht në një dhomë me njerëz dekurajoheshe. Bashkimi në një “dhomë” dhe dëgjimi i njerëzve të tjerë duke folur ka një tërheqje të veçantë në këto kohë. Ekziston edhe ekskluziviteti i aplikacionit – shpesh, njerëzit duan atë që nuk mund të kenë. Aplikacioni gjithashtu ka tërhequr emra të shquar (shihni pyetjen pasardhëse).
Kush është në aplikacion?
Një pjesë e popullaritetit të Clubhouse vjen ngaqë ka tërhequr emra të shquar duke përfshirë Jared Leto, elitën e Silicon Valley si Elon Musk, Mark Zuckerberg dhe të tjerë. Ja vlen për t’u përmendur Oprah, CEO i Twitter Jack Dorsey, aktori Terry Crews dhe themeluesi i Reddit Alexis Ohanian.
Ҫfarë flitet aty?
Temat e diskutuara në Clubhouse kanë një gamë të gjërë. Mund të gjeni gjithçka, duke filluar nga këshillat për ndërtimin e aktivitetit tuaj deri te panelet mbi industrinë e muzikës dhe pasuritë e paluajtshme. Ka dhoma të përkushtuara në marketingun e të famshmëve, fitimin e të ardhurave nga TikTok dhe dashurinë dhe marrëdhëniet. Ka pasur dhoma për beqarë, fotografë dhe humoristë, së bashku me diskutime rreth Clubhouse dhe trajnim karriere për gratë me ngjyrë. Ndonjëherë njerëzit krijojnë dhoma vetëm për t’ia kaluar mirë dhe u japin të tjerëve mundësinë që të hyjnë dhe të kalojnë disa momente të këndshme.
Kur do të dalë Clubhouse nga beta?
Akoma nuk ka një afat kohor se kur Clubhouse do të dalë nga beta dhe do të jetë i hapur për të gjithë. Por udhëzuesi i ri i përdorimit të Clubhouse thotë këtë: “Shpresojmë së shpejti!”
Më poshtë keni një video shpjeguese të këtij aplikacioni fenomenal:
