Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
GTA 5 arriti numrin më të lartë të lojtarëve ndonjëherë
Update më i ri i Grand Theft Auto Online, Diamond Casino and Resort, duket se është mjaft popullor midis njerëzve në Los Santos. Duket se ky update ka arritur të mbledhë më shumë lojtarë se kurrë më parë në Grand Theft Auto 5.
Veçoria më e re e shtuar në Los Santos ka tërhequr më shumë lojtarë si në një ditë, ashtu dhe në një javë që kur zhvilluesi Rockstar lançoi lojën në 2013 (lançimi në PC erdhi në 2015). Studio duket se ende nuk ka zbuluar numrin ekzakt të lojtarëve, por duke parë se kazinoja kishte rreth 6 viteve që i premtohej lojtarëve, ky rekord në fakt nuk është dhe aq surprizues.
Kompleksi Diamond Casino & Resort padyshim që ka se çfarë ti ofrojë lojtarëve. Brenda tij mund të gjesh lojëra kazinoje si poker me tre letra, blackjack, ruleta dhe makineri të ndryshme siç pritet, gara me kuaj, por edhe suita dhe apartamente luksoze, të cilat kanë brenda tyre lojëra arcade, një bar, një zonë për party, pishina, limuzina, aviona dhe shumë më shumë.
Ka gjithashtu dhe 6 misione historie të cilat mund të luhen co-op në Grand Theft Auto Online për t’u përfunduar, të cilat nëse i përfundon si Leader të japin një Enus Paragon R Armored, si dhe shumë makina të reja për t’ja shtuar koleksionit tuaj.
Nëse ende nuk e keni provuar DLC-në e re të Grand Theft Auto Online, padyshim që duhet t’i hidhni një sy. Është update më i madh prej kohësh i GTA Online, i cili ju jep lojtarëve mundësi të pafundme. Gjithashtu, nëse ju ka marrë malli për të harxhuar para, mund të harxhoni plot $63,548,081 brenda lojës për të blerë gjithçka brenda kazinosë. Është një update i cili padyshim që nuk duhet humbur.
