Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Në shkurt të këtij viti, Activision-Blizzard njoftoi se mbi 800 punonjës do të humbnin vendet e punës, si pasojë e shkurtimeve të nevojshme që duhet të bënte kompania. Tani duket se Blizzard po fillon të ripunësojë njerëz të rinj për po të njejtat role.
Gjatë kësaj jave, një njoftim pune si menaxher i komunitetit të Hearthstone u postua në faqen e zhvilluesit. Ky rol kërkon një “menaxher komuniteti me eksperiencë dhe pasion për industrinë e gaming, komunitetet e lojtarëve, eventet live dhe relatat me lojtarët.” Ndër specifikat e kërkuara duhej një diplomë Bachelor në një fushë që ka lidhje me pozicionin dhe minimumi tre vite eksperiencë në komunikimin e brandeve, forumeve dhe mediave sociale.
Pasi panë postimin e Blizzard, punonjësit e dikurshëm kthyen përgjigje në Twitter. Një ish punonjës i Hearthstone, që thotë se u pushua në shkurt së bashku me gjithë skuadrën e tij, tha se ky njoftim pune ishte diçka e turpshme. Sipas tij kërkoheshin vende pune dhe role që dikur i mbanin punonjësit që u pushuan. Një tjetër tha që me qindra punonjës të mëparëshëm janë ende duke kërkuar për punë.
Punonjësit në fjalë kanë sugjeruar se njoftimet e fundme, nuk janë as të parat nga ana e Blizzard. Rreth 8% e kompanisë humbi vendin e punës pas vendimit të Activision-Blizzard në shkurt dhe tani pak muaj më vonë, kompania kërkon njerëz për të njejtat pozicione. Është një vendim jo fort i drejtë për pjesën e stafit që është shkurtuar, por në logjikën e biznesit ndoshta edhe është diçka e tolerueshme.
