Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Anthem u lançua më herët gjatë këtij viti dhe edhe pse çuditërisht ka qenë sukses në shitje, mund të themi me plot gojën që reagimi nga kritika dhe fansat nuk ishte pozitiv. Ky co-op shooter ka marrë disa update sporadike që pas lançimit, por jo ndonjë gjë që i përshtatet pritshmërive të ndërtuara për lojën. Gjithsesi, duket se BioWare ka në plan të rregullojë problemet më të mëdha të Anthem në një rework të sajin.
Ky projekt referohet së brendshmi si Anthem 2.0 ose Anthem Next. Zhvilluesit ende nuk kanë vendosur nëse do të jetë një update i madh apo një seri e vazhduar patch-esh, një expansion apo një lojë komplet e re.
Në çfarëdo mënyre që të vijë Anthem 2.0, loja pritet të ndryshojë drastikisht, përfshirë çdo gjë që nga struktura e misionit në vetë botën e saj. Një person thotë anonimisht rreth këtij projekti: “Kemi kaluar disa muaj duke analizuar dhe duke kuptuar se çfarë kishte nevojë për ndryshim.”
Të çosh një lojë prapë në këmbë nuk është e pamundur. Final Fantasy XIV dhe No Man’s Sky kishin të dyja lançime katastrofë, por me kalimin e kohës sollën update dhe veçori që tashmë preferohen nga komuniteti i lojës. Le të shpresojmë që Anthem të ndajë të njejtin fat.
