Bethesda anullon konferencën e saj dixhitale të E3

Bethesda ka anulluar konferencën e saj të E3 në mes të shqetësimeve të krizës së coronavirus. Lajmi u konfirmua në Twitter nga zv presidenti komunikemeve në kompani, Pete Hines, që tha: “Duke marrë parasysh sfidat e shumta me të cilat po përballemi për shkak të pandemisë, nuk do ta mbajmë konferencën tonë dixhitale në qershor. Kemi shumë gjëra emocionuese për t’ju thënë për lojërat tona dhe mezi po presim që ti tregojmë në muajt në vijim.”

Eventi fizik i E3, përfshirë këtu konferencat e saj tradicionale për shtyp, u anullua në mars, duke bërë që shumë zhvillues të njoftojnë zëvendësime dixhitale të tyre. Microsoft do mbaj një konferencë dixhitale të E3 përshembull, ndërkohë që Ubisoft dhe Square Enix janë duke eksploruar opsione të ngjashme. Bethesda nga ana tjetër po tërhiqet plotësisht.

Përpara anullimit të E3 2020, Bethesda tha se kishte planifikuar të tregonte më shumë Ghostwire: Tokyo dhe Deathloop në shfaqjen e këtij viti. Gjithashtu pritej gjerësisht që ajo të zbulonte më shumë informacione për Starfield. Tani duket se do të duhet të presim më gjatë përpara se të dëgjojmë për ato lojëra.

Është e paqartë nëse ky vendim do të ndikojë ndonjë nga lojërat e ardhshme të Bethesda, si Elder Scrolls VI. Kompania ka thënë me parë se: “katalogu i lojërave live, përfshirë Fallout 76, Elder Scrolls Onlin, Elder Scrolls Blades dhe të tjera do të vazhdojnë të operojnë normalisht,” dhe se lançimi i Doom Eternal nuk do të ndikohen nga virusi.

COVID-19 ka lënë ndikim të madh në industrinë e gaming. Nga studiot që po punojnë nga shtëpia, në vonimin e lojërave dhe në disa të tjerë që po humbin punën e tyre, pandemi vazhdon të lërë impakt në çdo zonë të botës.