Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Astro Bot Rescue Mission është gjëja më e përafërt që do të merrni nga një platformer Nintendoje për një platformë Playstation. ‘Japan Studio’ vërejti diçka të vecantë në tech demo-n e Robot Rescue të Playroom VR-it, por kjo fushatë është e destinuar të jetë një nga hitet indirekte të vitit 2018. E dizenjuar specifikisht për PlayStation VR, kjo aventurë është jo vetëm kreative por edhe inovative, duke na cuar kështu në një udhëtim intergalaktik që përcjell vetëm kënaqësi nga fillimi deri në fund.
Si fillim le të flasim pak për problemin kryesor: Pse kjo lojë kërkon kufjet VR të Sony-t? Imagjino të luash një platformer në display-n standard të televizorit tënd. Limitet e lojës janë detyrimisht të kufizuara nga përmasa e ekranit të tij. Por me PSVR, zhvilluesi ka pasur kapacitetin të ndërtojë 20 fazat e lojës rreth teje, pra niveli e rrethon personazhin nga lartë, poshtë dhe anash.
Me shtojcën e stereoscopic 3D, ju garantohet një përzgjedhje mjedisesh impresive, të cilat reagojnë ndaj pozicionimit dhe fushëpamjes suaj. Kjo video-lojë nuk ka frikë ta thyejë ‘fourth wall’, kështu që androidit protagonist do t’i nevojitet ndihma juaj teksa levizni rreth botës. E gjithë kjo shet imazhin se ju jeni pjesë e skenës, ndonëse loja në vetvete luhet kryesisht në ‘third-person’.
Themi kryesisht në ‘third-person’, sepse si ne Moss të PS4 gjenden te inkorporuara “motion controls”. Përgjatë lojës do të përfitoni mjete të bashkangjitura me controller-in DualShock 4, të cilat përdoren për progresin e mëvonshëm. Përshembull, një grep duhet shenjestruar drejt mureve për ti hedhur ata poshtë, ose për të improvizuar një litar për heroin. Nuk duam t’iu zbulojme shumë gjëra, por çdo pajisje është e implementuar në mënyrë inteligjente, duke rritur truket e reja të lojës.
Objektivi juaj kryesor në cdo stad të lojës është të shpëtoni tetë robotë të humbur. Këta të fundit mund t’i gjeni të fshehur në lojë, ose në formën e shpërblimit nga një sfidë. Loja rrallëherë mungon në kreativitet, duke prezantuar mekanizma unike në cdo nivel. Njëri përshembull, e pajis Astro Bot-in me një komardare dhe ju kërkon ju të navigoni përmes baticës, që të kapërceni pengesat e armiqve dhe detit.
Nga ana e dizajnit artistik, ai nuk lë për të dëshiruar. Në një prej niveleve kundërshtari mban palexho topin dhe më pas e hedh në drejtimin tënd, sigurisht që mund ta godisni prapë për t’a eleminuar atë. Një tjetër lloj armiku transformohet në çekiç dhe tenton t’iu shtypë nëse i qëndroni përpara. Loja nuk konsiderohet në asnjë pikë si “e vështirë”, por ka mjafteshëm sfida për t’iu mbajtur të mbërthyer përpara ekranit tuaj.
Pjesa më e bukur e spektaklit mund të konsiderohen ‘boss fights’. Këto përballje janë të gjitha të bazuara mbi një pattern. Ju mund t’iu duhet ti thyeni dhëmbët një gorille ose të grushtoni syzet një zogu gjigand. Animimi është sërish elementi që i sjell në jetë këto personazhe dhe reagimet e tyre në çdo sulm të mundshëm.
Sado që udhëtimi nuk është tepër sfidues, do t’iu nevojiten diku tek katër ose pesë orë para se t’ia merrni dorën lojës. Probabiliteti është që nuk do ti gjeni të gjithë robotët në tentativën e parë, pra ka mjaft hapësirë për përmirësim të aftësive në lojë. Paralel me këtë ju mblidhni relike të fshehura që hapin nivelet e sfidave. Kjo e rrit pak vështirësinë duke ju dhënë diku te 15 orë high-quality gaming.
Gjithashtu do të mblidhni monedha teksa progresoni në këtë aventurë, të cilat më vonë mund ti shpenzoni në makinerinë ‘UFO Catcher’. Nuk është fort loja më serioze, por cdo gjë rreth saj është praktike dhe e mirë-ndërtuar. Vetë natyra e eksperiencës e bën Astro Bot Rescue Mission, një lojë mjaft të rehatshme për t’u luajtur.
Konkluzioni
Astro Bot Rescue Mission është një platforme inovative dhe kreative e cila i afrohet potencialit të PlayStation VR dhe përcjell një eksperiencë të paharrueshme. Një prezantim mahnitës që ngrihet edhe më lart nga animimi i shkëlqyer i lojës, ju siguron gjithmonë prezencën në këtë botë virtuale. Ky është lloji i lojës që do t’iu lërë të kenaqur edhe pasi ti keni hequr kufjet dhe fjalë më të mira se keto nuk mund t’iu themi.
