Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Dyqani online i kompanisë do të vazhdojë të operojë.
Apple ka vendosur që momentalisht të mbyllë të gjitha pikat fizike të shitjeve të saj deri në datë 27 mars. Ishte CEO Tim Cook ai që e njoftoi këtë në një deklaratë të premten mbrema. “Mënyra më efektive për të minimzuar rrezikun e transmetimit të virusit është që të reduktojmë densitetin e tij dhe të maksimizojmë distancën sociale,” shkruajti Cook. “Jemi të dedikuar që të garantojmë një shërbim të jashtëzakonshëm klientëve tanë.”
Apple është një ndër kompanitë e para që bën një mbyllje ndërkombëtare. Këto mbyllje vlejnë për çdo pikë shitjeje të Apple globalisht, përveç atyre në Kinë.
Dyqani online i Apple do të vazhdojë të operojë gjatë kësaj kohe dhe klientët që kanë nevojë për shërbimin e mbështetjes së klientit mund të vizitojnë support.apple.com për të gjetur dyqanet që mund të sajojnë dërgesa.
Punonjësit e ndikuar nga mbyllja e dyqaneve ende do të paguhen. Ja se çfarë tha Cook mbi këtë dhe masat e tjera që Apple po merr për të akomoduar punëtorët e prekur nga virusi:
“Të gjithë punëtorët tanë do të vazhdojnë të paguhen si zakonisht. Kemi zgjeruar politikat tona të largimit për të akomoduar situata personale ose familjare të krijuara nga COVID-19, përfshirë këtu rikuperimin nga një sëmundje, përkujdesjen për një të afërm të prekur, karantinën e detyrueshme ose përkujdesjen e fëmijëve prej mbylljes së shkollave.”
Donacionet e Apple për COVID-19 kanë arritur $15 milionë. Ashtu si disa kompani të tjera me influencë botërore, Apple është duke i inkurajuar punonjësit që të punojnë nga shtëpia, nëse puna e tyre ja u lejon këtë.
Apple së fundmi rihapi dyqanet e saj në Kinë. “Sado që ritmi i të infektuarve ka rënë dramatikisht, e dimë se efektet e COVID-19 ende po ndjehen fuqishëm. Dua të shpreh mirënjohjen time për skuadrën tonë në Kinë për vendosmërinë dhe gadishmërinë e tyre.“ Tha Cook në deklaratën e tij.
Apple operon disa nga dyqanet më të mëdha në botë dhe është kompania e parë në US për shtijet më të larta për metër katror.
