Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Vizitat në Steam janë rritur me 4000% !
Për shkak të një ngatërrese identitetesh, loja VR Apex Construct, e cila është lançuar në mars të vitit të kaluar, ka arritur një rritje prej 4000% në Steam gjatë dy javëve të fundit, si dhe ka shitur më shumë kopje në Kinë gjatë një jave sesa arriti të shesë gjatë gjithë vitit 2018. E gjithë kjo vjen si pasojë e emrit, shumë të ngjashëm me Apex Legends, loja battle royale që vazhdon rritjen e saj në botë.
Sipas një prej përfaqësuesëve të zhvilluesit Fast Travel Games, lojtarët që kërkojnë për Apex Legends në Steam kanë gjetur Apex Construct dhe kanë paguar për lojën gabimisht, duke mos e ditur që Apex Legends është falas. Fakti që logot janë shumë të ngjashme nuk e ndihmon aspak qartësimin e situatës.
“Mesa duket lojtarët po blejnë atë që mendojnë se është Apex Legends për $29.99, edhe pse loja është falas… me shumë mundësi kopjet do të rimbursohen, po momentalisht llogaritë tona po duken shumë mirë 😉” shkruan ai në Reddit.
Megjithatë, problemi është se shumë blerës kanë lënë komente negative në faqen e lojës, duke menduar se zhvilluesi ja ka hedhur. “Fatmirësisht, ekipi i Steam Community po na ndihmon me situatën. Duket se diku po ndodhin mosëmarrëveshje të mëdha“. Megjithatë, ne shpresojmë që Valve të zgjidhë situatën sa më shpejt.
