Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Nëse mendonit se Amazon do të sillte një diçka relativisht të vogël këtë vit për ju, e keni gabim, pasi gjigandi i teknologjisë ka sjellë një sërë produktesh të reja me çmime mëse të variueshme, të gjitha të dedikuara për ta bërë shtëpinë tuaj më të adaptueshme teknologjikisht. Më poshtë mund të gjeni përshkrimet e tyre dhe detajet mbi çmimet.
Echo e re
Echo-ja e re sjell një dizajn të ri nga ana e materialit dhe mund të merret në modelin Twilight Blue, Charcoal, Heather Grey ose Sandstone. Ka të njejtat specifika si Echo Plus, duke variuar nga një woofer 3 inch me volum të rritur në zonën e pasme. Ka për t’ju kushtuar $9.99 dhe do të jetë e disponueshme në 16 tetor.
Echo Flex
Echo Flex është një plugin që ka Alexa të instaluar. Kushton vetëm $24.99 dhe mund të lidhet normalisht me një prizë standarte. Në të njejtën kohë ju mund ti kërkoni Alexa që të kontrollojë paisjet e shtëpisë. Echo Flex gjithashtu ka një port USB të sajuar në të, ndaj mund të karikoni kollaj telefonin ose të shtoni ndonjë aksesor.
Echo Dot
Echo Dot ofron një orë dixhitale me LED display që ndryshon automatikisht në varësi të ndriçimit të dhomës ku gjendet. Në të njejtën kohë është relativisht e thjeshtë për të vënë një alarm në të. Paisje kushton $59.99 dhe do të lançohet në 16 tetor.
Echo Show 8
Echo Show 8 e Amazon mundëson një display 8-inch HD dhe është në gjendje të nxjerrë audio të pastër dhe të fuqishme. Në të njejtën kohë vjen edhe me një kamerë me built-in-shutter. Për çfarë do të hyjë në punë display? Me pak fjalë ju mund të pyesni Alexa për të luajtur episodet tuaja të preferuara në Prime Video, gjithmonë nëse jeni të abonuar në të.
Për çmimin e $129.99 do të keni mundësi ta bëni shtëpinë tuaj më teknologjike dhe më ‘smart’. Përsa i përket disponueshmërisë, mund ta merrni Echo Show 8 në 21 nëntor.
Echo Studio
Amazon Echo Studio do e sjellë dhomën tuaj të ndenjes në jetë. Ajo është e pajisur me pesë speakers të brendshme dhe ka një woofer 5.25-inch me 330W fuqi. Echo Studio mund të bashkohet me shumë paisje të tjera për të luajtuar audio në të gjithë shtëpinë. Mund të gjendet për çmimin e $199.99 dhe do të jetë e disponueshme në 7 nëntor.
Echo Buds
Echo Buds të Amazon ofrojnë Bose Active Noise Reduction Technology, të bashkuar me akses ndaj Alexa. Çdo earbud ka dy mikrofona të jashtëm dhe një të brendshëm që punojnë në union për të reduktuar zhurmën e ambientit rreth e qark, që Alexa t’ju dëgjojë më qartë. Echo Buds vijnë me tre masa të ndryshme për modelin e veshit, që të mund të përdoren gjatë gjithë ditës.
Echo Buds gjithashtu mbajnë larg ujin . Me një karikim të plotë, Echo Buds mund të garantojnë deri në pesë orë dëgjim muzike ose katër orë telefonatë. Echo Buds të Amazon kushtojnë $129.99 dhe do të jenë të disponueshme në 30 tetor.
Echo Frames
Echo Frames janë praktikisht smart-glasses, pra syze teknologjike. Ato i përshtaten recetës tuaj mjekësore dhe ofrojnë akses të Alexa. Kur keni vënë Echo Frames gjithçka duhet të bëni është të thërrisni Alexa me zë për të bërë një telefonatë ose për të vënë një reminder. Në të njejtën kohë mund edhe të dëgjoni podcast-et tuaja të preferuara ose të kontrolloni paisjet e tjera teknologjike të shtëpisë.
Pjesa më e bukur është që Echo Frames janë të dizenjuara për tu dukur si syze normale, pa patur ndonjë aksesor të panevojshëm të bashkangjitur me to.
Që Alexa t’ju dëgjojë në mënyrën e duhur ka katër micro speakers me to. Pasi të keni blerë Echo Frames, mund thjesht të vizitoni okulistin tuaj për të vendosur lentet e duhura brenda tyre. Nëse doni të thërrisni Google Assistant, thjesht mbani shtypur pjesën anësore të skeletit. Çmimi i tyre është $179.99 dhe momentalisht ato do të jenë të adaptueshme vetëm me paisjet android.
Echo Loop
Echo Loop është një unazë me Alexa të aktivizuar në të. Mund të klikoni në butonin e saj për të realizuar gjërat që doni të kryeni. Echo Loop mund të zgjasë një ditë vetëm me një herë të karikuar. Bateria karikohet për 90 minuta. Paisja do të jetë e disponueshme në ngjyrë të zezë dhe në masat S, M, L dhe XL. Ajo do të kushtojë $129.99 dhe mund të merret vetëm me ftesë.
