10 lojëra të reja do të zbulohen në The Game Awards

Sipas Geoff Keighley, asnjëra prej tyre nuk është bërë leak

Edicioni i këtij viti i The Game Awards do të zhvillohet këtë javë dhe duket se premton shumë zbulime të mëdha. Organizatori i shfaqjes Geoff Keighley tha në një postim në Reddit se ky event do të zbulojë rreth 10 lojëra të reja.

“Kemi plot lojëra të reja që do të zbulohen, mendoj se janë rreth 10 lojëra të reja që do të zbulohen nëse numërojmë dhe gjërat për të cilat askush nuk ka folur,” – tha Keighley.

Ka pasur zëra dhe raportime të ndryshme rreth lojërave që mund të zbulohen, por Keighley i këshilloi lojtarët të mos besonin çdo gjë që shohin në internet. “Si gjithmonë, interneti ka shumë informacion të gabuar për atë që do të zbulohet në show,” – tha ai.

Një remake i Resident Evil 3 u bë leak dhe disa njerëz spekuluan se loja do të zbulohej në The Game Awards. Megjithatë, Keighley tha në një postim tjetër se asgjë në shfaqje nuk është bërë leak.

Një lojë e re Batman gjithashtu pritet të vijë. Thuhet se loja e re Batman do të zbulohet gjatë shfaqjes, por nuk është konfirmuar asgjë prej lojës.

Megjithatë, një prej zbulimeve të konfirmuara për The Game Awards është një projekt i ri nga publikuesit e zhvilluesëve të League of Legends, Riot Forge. Gjithashtu, ish-shefat e studios Arkane Raphael Colantonio dhe Julien Roby do të zbulojnë lojën e tyre të parë në studion e tyre të re, Wolfeye.

The Game Awards 2019 do të nisë në orën 2:30 në 13 dhjetor. Microsoft, Sony, Nintendo, Google, Warner Bros., Ubisoft, Valve, Rockstar dhe Activision janë të gjitha partnerë të këtij eventi, por kjo nuk e garanton që këto studio do të zbulojnë lojëra të reja në këtë event.