Ubisoft vonon lançimin e Roller Champions

Roller Champions është një ndër lojërat e reja që Ubisoft ka planifikuar që të lançojë këtë vit dhe një njoftim i bërë së fundmi ka njoftuar se lançimi i kësaj loje do të vonohet.

Njoftimi i bërë është kryer nga zhvilluesit e lojës në serverin e Discord të Roller Champions. Në këtë njoftim zhvilluesit e lojës janë shprehur se ekipi i tyre ka ndjekur çdo situatë të mundshme dhe kanë vendosur se loja kërkon më shumë punë.

Kjo ka bërë që ekipi të vendosë se loja duhet të shtyhet në mënyrë që të sjellin një version më të mirë të Roller Champions. Bashkë me këtë njoftim është njoftuar se Roller Champions do të vijë gjatë “late spring” por akoma pa një datë të saktë.

Por ajo që na çudit më së shumti është fakti që ky njoftim është kryer vetëm në serverin e tyre të Discord dhe rrjetet e tyre sociale nuk kanë patur asnjë postim që prej qershorit të vitit 2021.