Sony do të sjellë dhe filma me abonimin e PS Plus por për momentin vetëm në Poloni

Kemi shumë pyetje.Pse Sony zgjodhi Poloninë? Si do të funksionojë PlayStation Plus Video Pass? A do të ndikojë paketa e filmave dhe serialeve në çmimin e parapagimit në PS Plus?  Të gjithave u përgjigjet Nick Maguire.

Nick Maguire, zëvendës president i shërbimeve Globale, Sony Interactive Entertainment, dha një intervistë me rastin e fillimit të shërbimit të ri të ofruar në kuadër të programit PS Plus. PlayStation Plus Video Pass është një përfitim i ri për lojtarët në PlayStation, i cili debuton vetëm në Poloni në formën e një shërbimi akoma në një fazë testimi.

“Së bashku me Sony Pictures Entertainment, ne po fillojmë një testim 12-mujor për shërbimin PS Plus të disponueshëm në Poloni, të quajtur Play Passation Plus Video Pass. Ky është një aplikacion streaming që të gjithë ata që zotërojnë  PS Plus mund të shkarkojnë në PS4 dhe PS5 nga PS Store, duke fituar akses në prodhimin e videos me cilësi të lartë, të gjitha si pjesë e programit ekzistues PS Plus.”

Për të filluar, PlayStation Plus Video Pass në Poloni ofron pesëmbëdhjetë filma dhe gjashtë seriale. Përfshirë hite të shkëlqyera të kinemasë si Bloodshot, Blade Runner 2049 ose Venom-i, i cili, ka fituar një audiencë të madhe në Poloni. Nga ana tjetër, seriali komedi SuperMansion do të ketë premierën e tij zyrtare polake në PlayStation Plus Video Pass.

Filmat:

• Bloodshot
• Jumanji: The Next Level
• Zombieland 2: Double Tap
• Charlie’s Angels (2019)
• Venom (2018)
• The Equalizer 2
• Baby Driver
• Blade Runner 2049
• Underworld: Blood Wars
• Arrival
• Sausage Party
• Inferno (2016)
• American Hustle
• This is the End
• Bad Boys (1995)

Serialet:

• Future Man (sezonet 1-3)
• SuperMansion ( sezonet1-3)
• Community (sezonet 1-6)
• Deadly Class ( sezoni 1)
• SWAT (sezonet 1-2)
• Lost Girl (sezonet 1-5)

Nick thotë se po punojnë ngushtë me Sony Pictures Entertainment për të siguruar që koleksioni i videove i PS Plus të jetë me cilësi të lartë dhe tërheqës. Prandaj, ata do ta risjellin ofertën e PlayStation Plus Video Pass çdo tremujor. Lojtarët polakë të PS Plus do të shohin tituj të rinj çdo tre muaj rresht.

Pse u zgjodh Polonia?

Nick është shumë i emocionuar që po prezantohet ky shërbim testimi në Poloni. Sony tashmë e di shumë mirë që ka një bazë të madhe lojtarësh në Poloni që spikasin për shkak të angazhimit dhe aktivitetit të tyre në rrjet dhe media sociale. Ata gjithashtu pëlqejnë të përdorin platforma VoD. Për kompaninë, ky është kombinimi perfekt, tregu perfekt, për të prezantuar një shërbim testimi si pjesë e programit PS Plus dhe për të parë se çfarë mendojnë përdoruesit kryesorë për të.

Sigurisht, ai nuk ka ndarë të dhënat e sakta mbi bazën e të cilave është zgjedhur Polonia. Sidoqoftë, ka theksuar se Polonia plotëson të gjitha kriteret që janë të rëndësishme. Kësaj i shtohet edhe pasioni i përmendur më parë i vetë lojtarëve, të cilët mund të testojnë PlayStation Plus Video Pass për 12 muaj rresht si i pari në botë.

Si është procesi i instalimit dhe përdorimi i PlayStation Plus Video Pass nga këndvështrimi i lojtarit?

Procedura në PlayStation 4 dhe PlayStation 5 është shumë e ngjashme dhe mjaft e thjeshtë. Në PS4, klikoni mbi  seksionin Filma dhe TV, dhe  do të shikoni  programin e  ri PlayStation Plus Video Pass. Në PlayStation 5, lojtarët do të gjejnë aplikacionin nën skedën ‘Media’, duke e shkarkuar atë njëlloj si programet e tjera VoD. Nuk ka nevojë të përdorni ndonjë faqe shtesë në internet ose procesin e regjistrimit. Aplikimi kërkon vetëm një llogari përdoruesi, të njëjtin profil dhe sigurisht një abonim  në PS Plus për të punuar.

Më tej Nick është pyetur nëse Video Pass do të ndikojë në çmimin e abonimit në PS Plus. Shkurtimisht ai ka thënë se ende nuk ka  informacion të ri në lidhje me çmimet dhe ndryshimet e çmimeve të shërbimeve.Ai thekson se PlayStation Plus Video Pass është pjesë e parapagimit ekzistues të PS Plus. Prandaj, zgjatja e programit PS Plus për lojtarët polakë me një lloj përfitimi të ri nuk përfshin ndonjë ndryshim të çmimit.

Programi do të shfaqet në PS Store më 22 Prill 2021. Ai do të jetë në dispozicion për shkarkim nga të gjithë në  PlayStation 4 dhe PlayStation 5. Për të hyrë në përmbajtjen VoD nga Sony Pictures, duhet të keni një abonim aktiv në PS Plus, si dhe një llogari lojtari të regjistruar në rajonin polak.