Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Në mars 2018 Sony konfirmoi se PS4 po arrinte fundin e ciklit të jetës, duke i shtyre fansat drejt mendimeve për PS5
Sony ka qenë mjaft i përmbajtur rreth informacioneve të konsolit të gjeneratës së ardhshme, duke refuzuar të japë data fikse të lançimit ose të dhëna rreth hardware-it. Sigurisht që kjo nuk i ka ndaluar fansat të nisin analizën e tyre rreth teorive të mundshme mbi PlayStation 5. Ja se çfarë dimë deri tani mbi konsolin e ardhshëm të Sony.
Data e lançimit ?
Sony nuk ka thënë asgjë rreth kësaj dhe fatkeqësisht as analistët nuk bien dot dakord rreth një date të përbashkët. Në maj të 2018s, CEO i Sony Interactive, John Kodera u shpreh për Wall Street Journal se PS5 nuk do të vinte në treg deri të paktën në 2021.
Nga ana tjetër Ace Economic Research Institute në Japoni deklaroi se PS5 do të lançohej fiks në kohë për krishtlindjet e 2019s. Analisti Michael Pachter dhe Jason Scherier janë të dy të opinionit që 2020 është viti me probabilitetin më të madh të lançimit të PS5.
Me Sony që ka vendosur të mos marrë pjesë në E3 2019, fansave do ju duhet të presin deri në PSX Event të Sony për më shumë informacion rreth datës së lançimit.
Hardware
Teksa PS4 Pro ju jep gamerave një ide se si mund të jetë të luajturit në 4K, pritet që deri në periudhën e lançimit 4K të jetë një parametër bazë për një konsol. Raportime të ndryshme sugjerojnë se zhvilluesit mund ti kenë marrë kutitë e zhvillimit nga Sony. E gjithë kjo ecën në një linjë me idenë se Cyberpunk 2077 po zhvillohet për konsolat e tanishëm dhe për ata që pritet të vijnë.
Me shumë mundësi PS5 do të ndjekë hapat e PS4 duke përdorur komponentë PC për performancë më të mirë. Nëse konsoli do të ketë vend për hard disk drive mbetet të shihet, me vendimin e Sony për të lejuar hard drive të jashtme të përdoren me PS4.
Konsoli do të ketë edhe backwards compatibility dhe një teori sugjeron se në të do mund të luhen edhe lojëra nga PS3, PS2 dhe PS1.
Çfarë lojërash do të kemi në PS5 ?
As Sony dhe as ndonjë zhvillues tjetër nuk kanë zbuluar zyrtarisht se çfarë lojërash priten të lançohen në PlayStation 5, por siç u përmend edhe më lart Cyberpunk 2077 pritet të zhvillohet edhe për konsolat e gjeneratës së ardhshme.
Krahas kësaj emra të tjerë të menduar janë The Last of Us 2 dhe Call of Duty.
