Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Pavarësisht problemeve, Destiny është një prej FPS më të shitura ndonjëherë
Destiny ka patur momente të mira, por edhe të këqija me kalimin e viteve dhe këto momentet të këqija kanë shtyrë internetin të krijojë meme-n e tyre të preferuar: Destiny është “një lojë e vdekur“. Por ndërkohë që kapitulli i fundit i lojës, Shadowkeep, perfeksionon formulën e saj, FPS e Bungie ka arritur qetësisht të jetë loja e dytë më e shitur e zhanrit.
Duke krahasuar shitjet në dollarë amerikanë, Destiny është e dyta vetëm mbrapa Call of Duty në zhanrin e FPS që prej shtatorit të 2014, sipas Mat Piscatella të grupit analitik të industrisë NPD. Gjatë po kësaj kohe, Destiny ka qënë seria e shtatë me më shumë shitje, edhe pse përveç Call of Duty nuk jemi të sigurt se cilat janë lojërat e tjera në këtë listë.
Kjo qe përpara lançimit të Shadowkeep, por expansion-i i fundit i lojës e ka treguar që tani se do të jetë i suksesshëm. Shitjet e Shadowkeep e çuan Destiny 2 në vendin e dytë në lojërat më të shitura në Steam, ndërkohë që numri i lojtarëve të Destiny ishte vetëm mbrapa tre lojërave më të luajtura të Steam, Dota 2, PUBG dhe CS:GO, që prej lançimit të lojës në platformën e Valve.
Padyshim që duhet t’i hidhni një sy Destiny 2, sidomos tashmë që versioni falas i lojës Destiny 2: New Light është lançuar në Steam. Loja premton shumë në expansion-in e ri Shadowkeep, prandaj nuk duhet ta humbisni
