Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Disa lojtarë mezi presin të shohin se çfarë do të sjellë EA SPORTS me FIFA-n e ardhshme. Pra, kur do të dalë FIFA 21 dhe në cilën kohë mund të presim versionin demo dhe EA Access të lëshohet?
Loja e tanishme, FIFA 20, i dhuroi fansave një rishikim të ekskluzivitetit, me Career dhe Pro Clubs duke marrë shumë përkujdesje dhe dedikim këtë vit.
Sidoqoftë, është e drejtë të thuash që lojtarët gjithmonë kërkojnë më shumë përmirësime, pavarësisht se për cilin modalitet janë të interesuar, dhe përkundër update-teve të rregullta që bëjnë ndryshime të rastësishme, loja tjetër është ajo ku ndonjë përmirësim i madh ka të ngjarë të ndodhë. Pra, le të hedhim një vështrim në ato që dimë për projektin e EA SPORTS deri më tani.
Kur do të dalë FIFA 21?
Ata që kanë blerë rregullisht FIFA për disa vite, do të dinë llojin e periudhës që mund të presim që loja të lançohet, dhe kjo është gjatë muajit shtator.
Ndërsa loja e 2021 nuk i është dhënë ende një datë zyrtare e lëshimit, ne mund të bëjmë krahasime nga vitet e fundit për të hartuar një vlerësim të saktë. FIFA 20 doli në 27 shtator dhe FIFA 19 në 28 shtator, kështu që ne do të prisnim që e pasardhësja e tyre të vinte brenda javës së fundit të këtij muaji.
FIFA 21 Beta
EA SPORTS zakonisht, para së gjithash, do t’i ftojë disa lojtarë të bashkohen me betat online para se loja e tyre të lëshohet zyrtarisht. Ftesat dërgohen përmes postës elektronike, duke u dhënë mundësinë disa llogarive, akses në mënyra të caktuara të lojërave përpara kohës së daljes së lojës; duke përfshirë Career, Pro Clubs dhe më shumë, dhe kjo zakonisht bëhet gjatë gushtit.
Për lojën e vitit të kaluar, beta u zhvillua midis 9 gushtit dhe 22 gushtit, duke i dhënë anëtarëve të komunitetit një shans për të rishikuar ndryshimet dhe për zhvilluesit që të bëjnë ndryshime të momenteve të fundit në përputhje me rrethanat. Këtë herë, ne do të presim që një afat kohor i ngjashëm të ndiqet.
Demo e FIFA 21, Early Access dhe Web App
Versionet demo nuk janë asnjëherë me të vërtetë shumë të ngjashme me lojrat që janë lëshuar përfundimisht, megjithëse fansat pëlqejnë akoma t’i shkarkojnë dhe t’i nxjerrin fundin secilës lojë.
Fundja, zhurma rreth FIFA-s nuk zgjat përgjithmonë, me sy gjithmonë në atë që EA po planifikon të bëjë tjetër. Ndonjëherë, demo mund të na japë një ide të mirë për atë që po punojnë. Ne do të prisnim që demoja të vinte në javën e parë të shtatorit, ose pak më vonë.
Sa i përket EA Access, kjo zakonisht vjen më vonë dhe është ajo që mund të presim nga lëshimi i plotë, duke u dhënë lojtarëve deri në 10 orë lojë para lëshimit. Lojtarët që kanë grumbulluar paratë e gatshme për edicionet e pre-orders të FIFA 20 gjithashtu e morën lojën dy ditë më herët, kështu që me siguri do të shohim diçka të ngjashme edhe për FIFA 21.
FIFA 21 WebApp do të dalë në ditët para lançimit të lojës, si zakonisht, dhe Companion App pa dyshim që do të nisë në të njëjtën kohë për pajisjet e lëvizshme.
Pra, ja ku e keni! Këto janë datat se kur presim FIFA 21 të dalë, versionin e saj beta dhe demo. Pasi të konfirmohen detaje të metejshme nga zhvilluesit, ne do ta rinovojmë këtë artikull me më shumë informacion.
