Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Razer Kishi pritet të vijë në fillim të 2020
Në tetor, Razer zbuloi Junglecat, një controller për mobile me dy pjesë të ngjashme me Joy-Con të Nintendo Switch, të cilat vendoseshin në të dyja krahët e telefonit, por ai punonte vetëm me katër smartphone Android dhe duhej të përdorje një kasë speciale për të. Vetëm pak muaj më pas, Razer zbuloi në CES 2020 Razer Kishi, një tjetër controller i cili duket se adreson të gjitha problemet e Junglecat. Veçoria kryesore është se ky controller suporton shumicën e smartphone-ve Android dhe iPhone.
Razer Kishi punon duke u vendosur në të dyja anët e telefonit dhe lidhet me të menjëherë nëpërmjet USB-C dhe Lightning, në varësi të modelit që blini. Fakti që ky controller vendoset menjëherë në telefon bën që controller-i në teori të ketë shumë pak vonesë dhe gjithashtu e bën atë të funksionojë me xCloud dhe Stadia në Android.
Kishi gjithashtu nuk ka nevojë të karikohet në veçanti si Junglecat, pasi përdor baterinë e telefonit tuaj. Nëse ju dëshironi ta karikoni atë ndërkohë që luani, Kishi ka një kalim që të lejon të arrish tek porta e telefonit.
Controller-i në vetvete duket si një controller tipik konsolash me dy thumbsticks, një pad drejtimesh, butona ABXY dhe butona të tjerë në pjesën e sipërme, edhe pse nuk është e qartë nëse janë 2 apo 4 të tillë. Sipas Razer, Kishi do të funksionojë në lojërat që suportojnë mobile controllers në Android dhe që suportojnë MFi controllers në iOS. Sipas Razer, Kishi do të vijë në fillim të 2020 dhe do të kushtojë rreth $100, ndërkohë që versioni për Android do të kushtojë më pak se ai për iOS.
