Gamescom 2021 do të jetë dhe këtë vit një event digjital

Viti 2020 bëri që shumë nga eventet më të mëdha të industrisë të anuloheshin plotësisht, ose të përshtateshin në një format dixhital, për shkak të pandemisë globale të shkaktuar nga COVID-19. Pavarësisht shumë përparimeve në minimizimin e përhapjes të virusit, duket se shumë organizatorë të eventeve nuk janë ende të gatshëm të rrezikojnë ngjarje personale. I tillë është rasti me Gamescom, i cili do të organizojë edhe një herë një event plotësisht dixhital në vitin 2021.

Duke bërë publik lajmin në një njoftim për shtyp, u zbulua se Shoqata e Industrisë Gjermane të Lojërave ka vendosur të mbaj Gamescom 2021 si një ngjarje krejt dixhitale. Ky vendim u mor pas diskutimeve me partnerë dhe ekspozues. Kështu, organizatorët marrin parasysh situatën aktuale, në të cilën shumë kompani nuk janë në gjendje të marrin pjesë në ngjarje fizike këtë vit për shkak të zhvillimit ende të vështirë. 

Ata vazhduan duke thënë se në këtë mënyrë, ata gjithashtu plotësojnë nevojën e fortë të partnerëve për planifikimin e sigurisë. Kjo do të thotë që gamescom 2021 do të mbahet ekskluzivisht dixhitalisht dhe falas për të gjithë fansat e gamescom.

Ndërsa çështja për të vendosur sigurinë në radhë të parë është një çështje e rëndësishme dhe është më se e mjaftueshme për të organizuar eventin tërësisht dixhital në 2021, do të duket sikur formatet switch provuan të ishin fitimprurëse për eventet e industrisë. Janë statistikat që zbulojnë se Gamescom 2020 mundi  të arrijë mbi 100 milion shikime në të gjitha formatet dhe kanalet, më shumë se 50 milion përdorues unikë nga 180 vende dhe 370 partnerë nga 44 vende.  Shifra që do të ishin gati të pamundura nëse eventi do të zhvillohej drejtpërdrejtë.

Ndërsa ka të ngjarë që Gamescom të kthehet në një event fizik në 2022, kur COVID-19,me shpresë,nuk do të jetë më shqetësues, do të jetë interesante të shikohet nëse suksesi i shfaqjes dixhitale do të ndikojë në planet e ardhshme. Gamescom kthehet më 23 gusht.