Ubisoft na surprizon shpesh me expansion dhe DLC që sjell për lojërat e saj duke i bërë ato të duken si një lojë komplet e re ku si shembull mund të marrim Assassin’s Creed Valhalla: Dawn of Ragnarok ose 3 DLC e para të Far Cry 6. Por fatkeqësisht nuk mund të themi të njëjtën gjë edhe për DLC e re të Far Cry 6 të quajtur Lost Between Worlds.
Lost Between Worlds sjell përsëri Dani Rojas të ulur në makinën e saj teksa po pushon dhe shijon bregdetin, kur ajo dëshmon një ngjarje jo të zakonshme që duket si një meteor që përplaset në tokë afër saj. Duke hetuar ajo zbulon se objekti nuk ishte një meteor, por një anije aliene. Dani nxjerr menjëherë armën dhe e qëllon por rezulton se në këtë rast, gjuajtja ishte ideja më e keqe e mundshme.
Dani transportohet menjëherë në një hapësirë ndërdimensionale, i shoqëruar nga alieni që ndodhej brenda anijes, një qenie e quajtur Fai. Fai informon Danin se për të riparuar anijen dhe për t’u kthyer në Yara, Dani duhet të përballet me 15 “Rifts”, të cilat janë pjesë të vogla, të transformuara dhe shkatërruara të Yara që secila ka një sfidë ndryshe.
Rifts janë të rregulluara si nyje në një hartë dhe fundi i secilit Rift ka dy portale, duke i lejuar lojtarit të vendosë se cilën rrugë dëshiron të marrë nëpër hartë. Midis këtyre Rifts janë pesë rifts të ndryshme që strehojnë “shards” të veçanta, të cilat Dani duhet t’i sjellë përsëri në Fai për të riparuar anijen. Rikthimi i një copëze i jep Danit një pjesë të armor të cilën ajo mund ta mbaj edhe nëse vdes.
E gjithë kjo duket goxha interesante por mënyra se si luhet dhe zhvillohet… mund të themi që nuk është perfekte. Sa herë që Dani mbledh një shards, ajo transportohet përsëri tek Fai, i hiqen armët dhe duhet të fillojë përsëri nga fillimi. Kjo mund të jetë pak acaruese dhe mund t’iu hajë goxha kohë nëse doni ta mbaroni lojën direkt.
Rifts janë një lëmsh goxha i madh. Disa prej tyre janë krijuese dhe argëtuese, të tjerat janë pothuajse njësoj. Për shembull një rift e vendos Dani duke notuar nga një vend në vendin tjetër për oksigjen në një version të përmbytur, kokë poshtë të Yara.
Kjo gjë është sfiduese herën e parë por jo dhe aq shumë herën e katërt ose të pestë. Ka shumë puzzle të vogla për t’ju ngadalësuar dhe asnjëra prej të cilave nuk është veçanërisht e vështirë. Çdo vizitë e mëvonshme në të njëjtat rifts mund të bëhet bezdisëse nëse nuk jeni personi që ka qejf të bëj speedrun lojërat.
Në Lost Between Worlds, combat është thjesht aty për t’u ngadalësuar, me armiq që nuk bëjnë shumë veçse t’ju pengojnë. Combat është e ngarkuar me një mekanik që nuk ndihet kurrë plotësisht e zhvilluar. Armiqtë janë të kuq dhe blu dhe lojtari mund të ndryshojë ngjyrën e plumbave dhe t’i vras lehtësisht ata. Mund t’iu ndodh shpesh që gjuani armiqtë dhe nuk e vrisni dot dhe më vonë kuptoni se po e gjuanit me plumbat e gabuar.
Bota është e ndërtuar goxha bukur nga ana vizuale dhe deri diku goxha e ngjashme me 3 DLC e kaluara të Far Cry 6.
Një nga problemet më kryesore që hasëm ishte fakti që ndonjëherë nuk dinim se ku të shkonim pasi nuk kemi as hartë dhe as minimap përveç hartës që na tregon udhëtimin midis rifts. Duke përdorur instinktin, eksplorimin dhe ndonjë të dhënë që jepej tek tuk, arrinim të gjenin rrugën shumicën e kohës.
Të themi të drejtën, do të na pëlqente të shikonim diçka të re me një DLC më ndryshme, me një karakter të ri në vend të Dani dhe përmirësime ose risi në sistemin e combat dhe eksplorimit të rifts. Në përgjithësi ishte një eksperiencë interesante me goxha elementë “të rinj” por të përzier me elemente ekzistues në lojë.