Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Microsoft ka konfirmuar se “disa tituj të rinj” nga Bethesda dhe kompania Zenimax Studios do të jenë “ekskluzive për Xbox dhe PC”.
“Ky është hapi i radhës në ndërtimin e një ekipi të studiove udhëheqëse në industri, një angazhim që kemi për komunitetin tonë Xbox,” ka shkruajtur drejtuesi i Xbox, Phil Spencer, sot në një postim në Xbox Wire për të shënuar marrëveshjen historike prej 7.5 miliardë dollarësh që po finalizohej.
“Me shtimin e studiove zhvilluese të Bethesda, lojtarët duhet të dinë që konsolat Xbox, PC dhe Game Pass do të jenë vendi më i mirë për të provuar lojëra të reja Bethesda, duke përfshirë disa tituj të rinj në të ardhmen që do të jenë ekskluzive për lojtarët Xbox dhe PC. “
Spencer nuk specifikon llojet e lojërave për të cilat po flet kur diskuton ekskluzivitetin e plotë të PC dhe Xbox. Akoma nuk dihet se për cilat lojëra ose seri të lojërave bëhet fjala por janë hedhur shumë dyshime që një pjesë e mirë e lojërave kryesore të Zenimax Studios të bëhen ekskluzive për Xbox dhe PC.
Një shumëllojshmëri e lojërave Bethesda dhe Zenimax do të bashkohen me Xbox Game Pass më vonë këtë javë ka njoftuar gjithashtu Spencer. Më shumë detaje mbi këtë do të zbulohen më vonë përmes një prezantimi që pritet të enjten.
Sa pë t’iu kujtuar, Microsoft tani zotëron Bethesda Game Studios, id Software, ZeniMax Online Studios, Arkane, MachineGames, Tango Gameworks, Alpha Dog dhe Roundhouse Studios.
Projektet e ardhshme përfshijnë lojëra si The Elder Scrolls 6, Starfield, Indiana Jones nga zhvilluesi i Wolfenstein MachineGames dhe dy lojëra ekskluzive të cilat po vijnë për PlayStation 5: Arkane’s Deathloop dhe Tango Gameworks ‘Ghostwire: Tokyo.
Për momentin, siç u tha më parë, studiot e shumta të lojërave të Bethesda dhe Zenimax do të vazhdojnë të drejtohen siç kanë qenë deri më tani, pavarësisht se kanë një pronar të ri.
“Është me rëndësi jetike që Bethesda të vazhdojë të bëjë lojëra ashtu si gjithmonë,” përfundoi Spencer. “Ne shpresojmë të fuqizojmë ekipet krijuese të Bethesda-s për të arritur akoma më shumë lojtarë në të gjithë botën, duke ndihmuar që titujt e ardhshëm të Bethesda të jenë lojërat më të mëdha dhe më të njohura në historinë e tyre.” Xbox dhe Bethesda kanë ndarë prej kohësh një vizion të përbashkët për të ardhmen e lojrave. Të dy si fansat dhe si krijues, Bethesda kupton potencialin e Xbox Game Pass.
Gjithashtu Spencer është shprehur gjithashtu se tashmë që ata janë një ekip, ata mund të punojnë së bashku duke avancuar përpara në të ardhmen.
