Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Rainbow Six Siege World Cup do të vijë gjatë 2021 me 45 shtete pjesëmarrëse
Ubisoft ka zbuluar eventin e ri të quajtur Rainbow Six Siege World Cup i cili do të mbledh 45 skuadra të shteteve të ndryshme dhe do të zhvillohet gjatë verës së 2021. Datat, formati dhe shpërblimet nuk janë zbuluar akoma. Gjithashtu edhe mënyra sesi do të funksionoj përzgjedhja e çdo lojtari për secilën skuadër të çdo shteti nuk dihet akoma.
Tournamentet në të cilat marrin pjesë skuadra të çdo shteti janë zakonisht shumë të kërkuara nga komunitetet e esport pasi janë një mënyrë e mirë për të berë bashkë fansat dhe komunitetin të cilët duan të bëjnë tifo për shtetin e tyre siç ka ndodhur në Overwatch World Cup dhe PUBG Nations Cup.
Ky do të jetë eventi i parë global i Rainbow Six Siege që prej lançimit të tij më 2015. 45 shtete do të garojnë kundër njëra tjetrës për titullin si shteti më i mirë në R6S ku 14 prej tyre kanë marrë një ftesë direkte kurse 31 të tjera do t’iu duhet të përballen me njëra tjetrën për të fituar një vend në këtë tournament.
Gjithashtu u bë e ditur se ish ylli i basketbollit Tony Parker i cili është pronar i një akademie esporti në Francë do të jetë ambasadori zyrtar i këtij tournamenti. Roli i tij është përfshirja në të gjithë procesin e krijimit të tournamentit dhe takimi me pjesëmarrësit. Tani gjithçka që na ngelet është të presim 2021 për Rainbow Six Siege World Cup i cili do të jetë me patjetër një event plot me emocione.
