Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Nëse nuk e dinit deri më tani, The International 10 e Dota 2 është vonuar. Për shkak të pandemisë së coronavirus, shumë evente të esports po vonohen ose po bëhen online për të mos rrezikuar përhapjen e mëtejshme të virusit. TI10 nuk ka bërë dallim dhe momentalisht ende po presim që të zbulojmë datat zyrtare të turnamentit.
Si rezultat i kësaj vonese edhe The International 11 do të duhet të zhvendoset me plot një vit, duke u mbajtur në 2022 në vend të 2021. Kjo u zbulua pasi doli një screenshot i një emaili ku një përfaqësues i The International pyet për data në 2022 që janë të hapura për të mbajtur eventin.
Emaili lexon si më poshtë: “Përshëndetje, faleminderit për përgjigjen tuaj për të mbajtur The International 2021. Siç jemi në dijeni pandemia e COVID-19 ka vënë kushte të detyrueshme në shumë evente në mbarë botën dhe TI nuk është ndryshe. Valve e ka shtyrë The International 2020 në Stockholm. Do ju vëmë në dijeni me komunikime të tjera në muajt e ardhshëm për ekipin tuaj dhe për datat e eventit të 2022. Faleminderit për pjesëmarrjen, Ekipi i Valve.”
Ky email nuk tregon shumë gjëra dhe nuk është as provë konkrete për asgjë. Duhet vënë gjithashtu në dukje se në email nuk i referohet kurrë si The International 10 ose 11, por tregohet gjithmonë viti në të cilin pritet të mbahet eventi.
Qoftë i vërtetë emaili ose jo, ka realisht shumë gjasa që TI11 nuk do të ndodhë deri në 2022. Dimë se TI10 është shtyrë për vitin tjetër, ndaj sa janë gjasat që të dyja eventet të mbahen në të njejtin vit?
