Easilyy tërhiqet nga Rainbow Six Siege

Lojtari profesionist i R6S, Easilyy, vendos të largohet nga pjesa kompetitive e lojës

Një prej lojtarëve më të vjetër profesionistë në Rainbow Six Siege ka dhënë së fundmi dorëheqjen nga pjesa kompetitive e lojës. Kevin “Easilyy” Skokowski e zbuloi “daljen e tij në pension” në të njëjtën ditë me ditën që ai u largua nga skuadra Susquehanna Soniqs.

Lojtari profesionist shprehet së fundmi se ai do të tërhiqet përgjithmonë dhe menjëherë. Gjithashtu ai shton se R6S do të jetë një pjesë e rëndësishme e jetës së tij dhe se falënderon këdo që e ka mbështetur dhe ndihmuar gjatë karrierës së tij pesë vjeçare e cila ka patur plot ulje dhe ngritje. Gjithsesi ai nuk do të tërhiqet plotësisht pasi ai ka vendosur të bëjë stream ose të trajnojë lojtarët e ardhshëm.

Easilyy është një prej lojtarëve të parë të Rainbow Six Siege të cilët kaluan nga Xbox në PC. Ai filloi të behej i famshëm në botën e esports gjatë periudhës që ai ishte me Rogue, një skuadër e cila ishte plot me lojtarë të tjerë të talentuar por që nuk arritën kurrë ta shfaqnin. Eassily arriti të kualifikohej për tre Six Invitationals dhe ka fituar 2018 US Nationals dhe 2018 DreamHack Valencia me Rogue.