Astralis shton zyrtarisht JuGi në ekipin e CS:GO

Ekipi danez dëshiron të ketë dy lojtarë në çdo pozicion

Astralis konfirmoi se ka firmosur me Jakob “JuGi” Hansen, lojtarin e tyre të shtatë në ekipin e CS:GO. Ky njoftim erdhi pas një raporti nga një faqe lajmesh daneze. Astralis tha se qëllimi i tyre është krijimi i një mjedisi sa më kompetitiv dhe të shëndetshëm për lojtarët.

JuGi do të praktikohet me të njëjtën metodologji si me Heroic në 2017 dhe 2018, kur ishin vitet e tij më të mira, pasi të dyja ishin në pronësi të RFRSH Entertainment. JuGi bashkohet me Astralis së bashku me es3tag, me të cilin ekipi danez firmosi në mars, por ende duhet të përfundojë kontratën e tij me Heroic. JuGi nuk ka luajtur që prej janarit, kur ai u hoq nga North për t’i lënë vendin MSL.

23-vjeçari mbahej si një prej AWPer më premtues, por ai nuk arriti të njëtin sukses si me Heroic në ekipet e tjera të tij, OpTic Gaming dhe North. JuGi është praktikuar me lojtarët e tjerë dhe ka luajtur mirë sipas trajnerit Danny “zonic” Sørensen.

Ka patur shumë debate në komunitet në lidhje me ekipet e mëdha të CS:GO. Astralis do të jetë e para prej organizatave të mëdha që do ta provojë këtë strategji ndaj ekipeve të nivelit të lartë. Sipas drejtorit sportiv të Astralis, Kasper Hvidt, ata duan të kenë dy lojtarë për çdo pozicion.

Astralis ka luajtur në ESL One: Road to Rio Europe dhe fitoi në grupin A me rezultatin 6-1. Danezët do të ndeshen me G2 në gjysmëfinale. JuGi nuk do të ketë mundësi të luajë në këto kualifikuese dhe mund të debutojë në DreamHack Masters Spring Europe.