Një person i varur nga seksi ka hedhur në gjyq Twitch për $25 milionë, për kontentin e tij seksual

Një njeri në Kaliforni është duke hedhur në gjyq Twitch për $25 milionë dëme, pasi është ekspozuar “në materiale sugjeruese seksuale”. Kjo sipas dokumentave të gjykatës.

Padia me 56 faqe e plotësuar nga Erik Estavillo, përfshin imazhe të shumta të streamereve femrave gjysmë të zhveshura ose të veshura në mënyrë të papërshtatshme në Twitch. Kjo pasi u ngrit zyrtarisht nga Gjykata Supreme e Kalifornisë në 19 qershor.

Në ankesën e tij, Estavillo thotë se është i varur nga seksi dhe vuan nga depresioni, krizat e panikut, sëmundja e Crohn dhe agoraphobia, prandaj “mbështetet shumë në internet për të kaluar kohën e lirë dhe për tu argëtuar”.

“Twitch e përkeqësuar gjendjen e tij në mënyrë ekstreme, duke treguar shumë pamje të streamer-ave femra të veshura të mënyrë provokative , të cilat i shfaqen kaq shpesh përmes rrjetit të programimit të Twitch, duke e bërë thuajse të pamundur për individin që ta përdorë Twitch pa u ekspozuar ndaj kontentit të tillë seksual,” lexon ankesa.

Ankesa gjithashtu thotë se Estavillo ka follow 786 streamere femra dhe zero streamers meshkuj në Twitch. Disa nga të përmendurat me emër dhe imazhe në këtë ankesë janë: Pokimane, STPeach, Pink Sparkles dhe Alinity.

“Përtej kësaj Twitch përfiton nga individi dhe shumë shikues të tjerë të varur pas seksit, duke i lejuar ata të bëjnë Subscribe, Donate ose Pay Bits për këto femra,” lexon ankesa. “Twitch përdor këtë sistem kundër shikuese të tij që janë të varur ndaj seksit, njëlloj siç bën një Casino.”

Në këtë padi Estavillo kërkon ban të përhershëm të çdo emri të përmendur në ankesën e tij, bashkë me $25 milionë në dëmshpërblime, që do të ndahen në mënyrë të barabartë mes tij dhe të gjithë subscribers të Twitch Prime Turbo, me pjesën e mbetur të parave që do ju shkojë bamirësive të COVID-19 dhe Black Lives Matter.

Estavillo ka ngritur padi më parë edhe herë tjetër kundër Sony, Microsoft, Nintendo dhe Blizzard Entertainment në të kaluarën, ku në të gjitha rastet padia e tij është hedhur poshtë.