Streamer u thotë shikuesve se ai tani identifikohet si afrikano-amerikan

Një streamer i Facebook Gaming është përballur me reagime të jashtëzakonshme dhe është bërë ban nga platforma pasi pretendoi se ai tani identifikohet si njeri me ngjyrë. Jerry Banfield, i cili është më i njohur për përmbajtjen e tij COD: Warzone, i bëri këto pretendime drejtpërdrejt në stream dhe, është kritikuar për talljen e individëve me ngjyrë gjatë Muajit të Historisë së Zezakëve (në SHBA dhe Kanada) .

“Unë nuk jam komedian, jam serioz, nuk po luaj, nuk bëj shaka, jam serioz. Tani jam një zezak, identifikohem si afrikano-amerikan, nuk dua të më quajnë të bardhë, “tha Banfield.

Streamer vazhdoi të mbështesë pretendimet e tij duke bërë krahasime me individët transgjinorë, të cilët (me të drejtë) shprehin të drejtën e tyre për t’u identifikuar si gjinia që janë, pavarësisht nëse kanë kryer apo jo një operacion për ndryshim gjinie.

“Unë mund të shikoj veten time, dhe të them ‘Unë jam një grua, unë jam një grua.” Mund të shikoj poshtë dhe ta bëj atë shumë mirë sot, dhe të them, unë jam grua tani, tha ai. “Dhe unë kam zgjedhur që jam i zi. Nuk dua më të jem i bardhë, jam lodhur duke u identifikuar si i bardhë dhe kjo nuk është më e vërteta për mua.”

Nuk ka nevojë për të thënë se sa problematike është kjo, dhe në kaq shumë nivele. Është e qartë se Facebook e ka njohur gjithashtu këtë, pasi ata i kanë ndërprerë të gjitha lidhjet me të që kur klipet u bënë virale. Nuk duket se Banfield do të rikthehet së shpejti, dhe në këtë kohë, ai nuk ka kërkuar falje për veprimet e tij.