Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Gjatë transmetimit të tij në 27 qershor, PewDiePie dha opinionin e tij mbi The Last of Us Part 2, pasi e mbaroi lojën para 150k shikuesve. Ylli suedez shpjegoi se përse loja e Naughty Dog ishte një rrëmujë totale.
Teksa ai po afrohej drejt fundit, ai zbuloi se e gjente veten të dyjëzuar përsa i përket historisë. “Nuk e di,” tha ai teksa qeshte. “Nuk është loja që po prisnim, nuk është loja që donin shumë njerëz.”
Atij nuk po i vinin fjalët në fund, përpara se të thoshte që nuk binte dakord me ata njerëz që mendonin se fundi ishte i tmerrshëm: “Mendoj se çdo gjë ishte një rrëmujë. Loja kishte shumë potencial.”
Pewds pastaj zbuloi se kush ishte problemi më i madh që kishte me lojën dhe kjo ishte struktura e historisë, duke thënë se gjërat do të ishin më mirë nëse do të ndryshonin pak rendin e ngjarjeve. Ai vazhdoi duke thënë se sado që nuk i pëlqeu aspak, do të preferonte të luante atë lojë, përpara një loje mediokre.
PewDiePie më tej sqaroi se nuk është i inatosur dhe se e pranon vizionin artistik: “Nuk jam i inatosur. Nuk është loja ime. Nuk mund të kontrolloj se çfarë do të ndodhë, se kam unë në dorë. Kjo është ajo çfarë ata donin të bënin dhe e bënë.”
Pavarësisht se nuk i pëlqeu mënyra se si ishte shkruajtur loja, suedezi e përgëzoi Naughty Dog që kishte ndërmarrë një risk përsipër: “Provuan diçka ndryshe dhe e respektoj këtë. Thjesht nuk mendoj se funksionoi për të qenë i sinqertë. Mendoj se duhet të kishin futur pak edhe opinionin e njerëzve aty.”
PewDiePie nuk ishte vetëm kritik për lançimin e Sony, pasi ai gjithashtu përgëzoi zhvilluesit për grafikat fantastike të lojës dhe përfaqësimin që kishte kasti. Pra sado që loja nuk i përmbushi pritshmëritë e tij, ai sërish u kënaq duke e transmetuar.
