Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Teksa shumica e fëmijëve rreth e qark botës e kalojnë kohën e tyre në shkolla normale ose në leksione me mësues privatë, një kompani është duke i hequr librat komplet jashtë ekuacioni dhe po i zëvendëson ato me controller-a për videolojëra.
Gemutore, një kompani mësimi e bazuar në Japoni, që është themeluar kohët e fundit, nuk i intereson shumë nëse studentët e saj bëhet lojtarë pro ose jo. Qëllimi dhe misioni si një kompani është diçka shumë më e madhe se aq. Synimi i vërtetë i Gemutore është që të shkathtësojë mendjet e studentëve të saj dhe aftësitë e tyre të komunikimit, përmes përdorimit të videolojërave.
Sado që disa mund të pyesin veten se çfarë benefiti mund të kenë videolojërat për një fëmijë, Gemutore mendon ndryshe. Përmes leksioneve një orëshe të mësuara në një skuadër me 2-3 studentë, Gemutore prezanton shërbimet e saj në formën e një ‘naraigoto,’ një term i përdorur në kulturën Japoneze për të përshkruar edukimin përmes aktiviteteve të tilla.
Disa e shikojnë Gemutore si një vend për fëmijë që duan të bëhen lojtarë pro, kompania insiston se të luajturit videolojëra ndihmon zhvillimin mendor të një fëmije dhe perceptimin e tij të informacionit, mendimin kritik dhe aftësinë për vendimmarrje.
Me rritjen e popullaritetit të esports në botë, shumë kompani do të duan të gjejnë një mënyrë për të hyrë në industri. Gjithsesi, Kazuki Obata, themelues i Gemutore, do që kompania e tij të jetë një ndikim pozititv për fëmijët dhe të shmangë presionin e zakonshëm psikologjik që krijohet zakonisht në një klasë mësimi.
Seancat e Gemutore zakonisht mbahet herët në mëngjes, përmes videove ose voice chatt, me qëllim për ti stimuluar mendërisht studentët, përpara se të vazhdojnë me pjesën e mbetur të ditës. Këto seanca kryesisht mbahen të shtuanve dhe të dielave, që të mos ndërhyjnë me orarin normal të shkollës që kanë studentët.
Në fund të ditës, duket se Gemutore është më shumë e fokusuar në përforcimin e aftësive të fëmijëve për tu përqëndruar dhe për t’ju dedikuar vetes në një moshë të re. Kjo është një gjë që padyshim do të ketë benefitet e saja.
