Një deputet ka pranuar se ka shpenzuar paratë e fushatës për të blerë lojëra në Steam

Një deputet Republikan është vetëshpallur fajtor për shpërdorimin e mbi $150,000 të fushatës së tij në aspekte personale, duke përfshirë këtu shpenzimin e $1,300 në videolojëra në Steam.

Deputeti nga Kalifornia kishte bërë 68 transaksione të veçanta në Steam për të blerë videolojëra, që në total i kishin kushtuar $1,302. Sado që fillimisht ai tha se do i rimbursonte këto shpenzime, Hunter dhe Margaret (gruaja e tij), kurrë nuk i kthyen paratë brenda periudhës së kërkuar kohore.

Pavarësisht faktit që Hunter ja ka dhënë këto lojëra djalit të tij, ai e ka ndryshuar qëndrimin e tij nga i pafajshëm në fajtor, për shpenzimin e parave të fushatës, jo vetëm në lojëra, por në shumë gjëra të tjera që përmbushnin kërkesat luksoze të familjes së tij.

Siç cilësohet edhe në një konferencë për shtyp nga Departamenti i Drejtësisë, familja Hunter: “vodhi para nga fushata për shpenzime si fast food, bileta filmash, atlete, videolojëra, sete Lego, produkte ushqimore, ushqim qensh, hotele lukseze, pushime jashtë vendit dhe bileta avioni për lepujt e tyre, Eggburt dhe Cadbury.“

Hunter dhe Gruaja e tij mund të përballen me një gjobë prej $250,000 dhe pesë vite burg për veprimet e tyre.

Në një intervistë të mbajtur së fundmi, Hunter thotë se ka vendosur të vetëshpallet fajtor, për të kursyer gruan e tij nga koha në burg. “Mendoj se fëmijët e mi kanë nevojë për një mama në shtëpi,” thotë ai. “Sado që të jetë koha ime brenda, unë do e pranoj. Mendoj se është e rëndësishme që njerëzit ta dinë se kam bërë gabim.”

Të paktën deputeti duket ta ketë nxjerrë moralin. Dhe jo.. nuk dihet se çfarë lojërash ka blerë ai në Steam.