Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Me Mixer që i përket të shkuarës së tij, Tyler Ninja Blevins ka filluar të hapet me vështirësitë që kishte në platformën streaming. Në një intervistë me Hollywood Reporter, streameri diskutoi vështirësite që kishte me rritjen e shikueshmërisë dhe se si gruaja/menaxherja e tij hodhi edhe idenë e të hequrit dorë nga streaming.
Ninja është zyrtarisht i lirë pas mbylljes së Mixer, me disa nga platformat më të mëdha të streaming, që raportohet të jenë duke i bërë oferta për kontratë ekskluziviteti. Sado që Nija është në një pikë të mirë për momentin, është e qartë se gjërat nuk ishin kështu në fillim të vitit, pasi ai donte vërtet që gjërat të funksionin me Mixer.
“Doja kaq shumë që platforma të kishte sukses,” i tha Blevins THR, “dhe besoja në të.”
Kontrata e Ninja ishte një moment i madh për Mixer vitin e shkuar. Në një marrëveshje me vlerë $30 milionë, Ninja ishte ekskluziv për platformën. Me emra si Ninja dhe Shroud, Mixer u duk se realisht mund të konkuronte me Twitch në një pikë. Fatkeqësisht Ninja nuk mund të tërhiqte një audiencë të ngjashme, pavarësisht përpjekieve të mëdha që ai bëri. Sipas intervistës me THR, Ninja nuk ishte në dijeni për fundin që do të kishte Mixer.
Streameri ka marrë oferta për një kontratë nga Facebook Gaming dhe ka bërë edhe një transmetim në YouTube, por duket se ende nuk është marrë një vendim final.
Mendohet se Ninja do të japë një njoftim zyrtar në fund të verës. Për momentin duket se ai është duke marrë një pushim të përkohshëm nga bota e streaming.
