Ninja kishte mbi 700,000 shikues unik gjatë rikthimit të tij në Twitch

Në një transmetim rreth dy orë me Dr Lupo, të mbajtur dje në Twitch, Ninja arriti mbi 700,000 shikues unikë të futeshin në Twitch chat-in e tij, teksa ai testoi rikthimin e tij në platformën e streaming.

Edhe periudha kohore ishte perfekte, pasi ai e aktivizoi kanalin e tij thuajse fiks një vit pasi u largua nga Twitch për të bërë ekskluzivisht stream në Mixer.

Transmetimi zgjati afërsisht dy orë dhe u mbajt më herët nga çfarë janë mësuar zakonisht shikuesit e Ninja. Gjithsesi, rikthimi i tij arriti të mblidhte disa shifra mjaft masive. Ai kapi një maksimum prej 98,726 shikuesish dhe ruajti një mesatare prej 70,319 për të gjithë stream-in. Kjo sipas TwitchTracker dhe vetë Ninja.

Pasi stream-i përfundoi, Ninja u njoftua se kishte arritur kërkesat për t’ju bashkuar Affiliate program të Twitch, që do të thotë se së shpejti shikuesit do të mund të bëjnë sërish subscribe në kanalin e tij. Tani që ka bërë sërish stream në Twitch, kanali i tij mund të marri statusin ‘partner’ së shpejti.

Ninja është ende kanali më i ndjekur në Twitch, me 14.8 milionë ndjekës, në krahasim me Tfue, që qëndron në vend të dytë me 8.8 milionë.

Ninja ende nuk ka thënë gjë nëse do të transmetojë ekskluzivisht në Twitch ose jo, por shikuesit e tij dhe vetë Twitch, ishin të lumtur që e panë sërish live brenda platformës.