Ninja rikthehet ekskluzivisht në Twitch

Me një kontratë disa-vjeçare.

Ninja më në fund i dha fund spekulimeve se kush do të jetë platforma ku ai do të vazhdojë karrierën e tij të streaming. Pasi mbylljes së beftë dhe fatkeqe të Mixer, që përfundoi automatikisht edhe marrëveshjen e tij ekskluzive me Microsoft, ai e gjen veten në shtëpinë e tij të vjetër.

Ja vlen të përmendim se largimi i Ninja nga Twitch ishte pak i shëmtuar, me akuza dhe skandale publike që plasen menjëherë pas vendimit të tij. Për këtë arsye shumë njerëz e vinin në pikëpyetje mundësinë e rikthimit të tij në Twitch, lëre pastaj një kontratë disa-vjeçare me të. Por si duket çdo gjë mund të ndodhë.

Lajmi erdhi përmes adresës së tij zyrtare në Twitter. Tani mbetet të presim dhe të shohim se si do të ecë shikueshmëria e tij, por mbi të gjitha, nëse do të mund të qëndrojë dhe të njihet sërish si mbreti i Twitch.