Neymar tregon aftësitë e tij në CS:GO me dy clutch 1v3

Braziliani duket se ka talent edhe në CS:GO

Neymar njihet si një nga lojtarët e futbollit më të mirë momentalisht. Me një dhomë plot me trofe, si nga ekipi, por edhe individualë dhe një karrierë 10-vjeçare profesionale, ai është një prej yjeve më të mëdhenj të futbollit.

Megjithatë, përveç famës dhe aftësive të tijë në fushë, në jetën e tij larg futbollit ai është një fans i CS:GO. Neymar u ftua në një event të CS:GO të organizuar nga ekipi brazilian Furia për të treguar aftësitë e tij në Mirage, duke bërë jo një, por dy clutch fantastikë.

Clutch-i i parë ndodhi në raundin e dytë të serisë. Ndërkohë që CT sulmonin ekipin e Neymar në Apartments në Mirage, futbollisti mbeti i vetëm 1v3 dhe duhej të shpëtonte raundin. Ai u duk i qetë, duke vrarë fillimisht lojtarin e parë tek furgoni pëprara se të bënte një fake plant për të vrarë dy lojtarët e tjerë CT.

Ai më pas bëri një tjetër clutch 1v3 disa raunde më vonë. Sërish 1v3 në Bombsite B në Mirage, Neymar kërceu nga Apartments dhe vrau një lojtar kundërshtar, përpara se të vendoste bombën. Ndërkohë që dy CT po vinin nga dera dhe nga dritarja e Kitchen, Neymar i vrau të dy ata sërish për të fituar raundin për ekipin e tij.

Futbollisti nuk u duk aspak në vështirësi gjatë ndeshjes, me ekipin e tij që fitoi lehtësisht në këtë hartë 16-6, pa hasur asnjëherë probleme.

Neymar nuk ishte i vetmi futbollist i famshëm i ftuar në këtë event. Mesfushori i Barcelonës Arthur Melo dhe sulmuesi i Manchester City Gabriel Jesus gjithashtu u përballën me lojtarët profesionistë të Furia gjatë këtij eventi.

Shumica e këtyre lojtarëve janë rritur gjatë kulmit të Counter-Strike në Brazil, në fillim të viteve 2000 dhe aftësitë e tyre janë zhvilluar që prej fëmijërisë. Organizatat e esports në Brazil janë shumë të ekspozuara nga këta futbollistë. Video që Neymar bëri share në Instagram ka marrë 860,000 likes në 1 ditë.

Me shumë mundësi Neymar nuk do të heqë dorë nga kontrata e tij $350 milionë me PSG, po ku i dihet, ai mund të bëhet një streamer kur të tërhiqet nën logon e Furia.