Mixer do i japë $100 të gjithë streamerave partnerë gjatë pandemisë

Mixer po përpiqet të ndihmojë krijuesit e tij.

Në tentativë për ti asistuar partnerët e tij nga ana financiare gjatë pandemisë së coronavirus, Mixer po i jep të gjithë streamerave të tij nga $100.

Këto para po shpërndahen te të gjithë partnerët e Mixer pavarësisht madhësisë së kanalit ose shikueshmërisë së tij. Sado që nuk kishte një njoftim zyrtar nga ana e Microsoft ose e skuadrës së Mixer, u zbulua sot se këta partnerë do të kenë $100 të depozituar në adresat e tyre.

Konfirmimi erdhi më vonë kur adresa zyrtare e Mixer në Twitter filloi të falenderonte krijuesit e saj që kishin përforcuar komunitetin individual të platformës.

Përgjatë çerekut të parë të 2020s, më shumë streamera kanë kaluar kohën e tyre në Mixer sesa në Facebook Gaming ose YouTube Gaming të kombinuara. Sado që platforma ende ka numrin më të ulët të shikueshmërisë nga të gjitha faqet e mëdha të streaming, duket se është në rrugë të mbarë.