Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Blegtoria dhe bujqësia konsiderohen si koncepte mjaft paqësore. Një njeri, disa makineri të thjeshta dhe natyra me madhështinë e saj. Gjithsesi, në realitet është një fushë me ushëheqje të madhe teknologjike. Avancimet e bëra në fushën e agronomisë kanë mundësuar të prodhojmë më shumë, duke shpenzuar më pak. Me synimin për ta ndjekur deri në fund këtë qëllim, fermerët në Rusi po përpiqen që të përmirësojnë sasinë dhe cilësinë e qumështit të lopëve të tyre duke ju vënë atyre VR headset.
Duhet t’ju dalim borxhit që në fillim që këto foto mund të mos jenë të vërteta, sepse, kemi të bëjmë me lopë këtu. Plus fakti që ky kërkim nuk u bë nga një universitet ose një institucion shkencor i akredituar, por nga Milknews.ru, një faqe Ruse për industrinë e bulmetit. Gjithsesi imazhet erdhën edhe nga mosreg.ru, website-i për Ministrinë e Agrikulturës dhe Ushqimit në rajonin e Moskës, ndaj kjo mund t’i bëjë ato pak më zyrtare.
Ajo që ka rëndësi është që kemi foton e një lope me VR headset. Ja se me çfarë deklarate u shoqërua fotoja:
“Krahas nevojave fizike, kërkuesit e fushës filluan t’i kushtonin më shumë vëmendje gjendjes emocionale të kafshëve. Në Moskë, zonat periferike instalojnë pasije audioje për të vënë muzikë klasike, me qëllim relaksimin e bagëtive, për të ndikuar pozitivisht në prurjet e qumështit.”
VR headset ka si qëllim ti bëjë lopët të mendojnë se janë në një vend më të bukur dhe mendohet se kjo praktikë është duke funksionuar. Testimet e fundit që u kryen mbi këto lopë panë një rënie të ankthit dhe një rritje të përgjithshme në aspektet emocionale.
Mund të themi që deri diku ky është si Matrix-i për lopet, por kjo do i jepte një sens pak distopik gjithë situatës. Sipas raportimit, një tjetër studim më i tërthortë do të ekzaminojë impaktin që lë përdorimi i VR në këto lopë, ndaj do ju mbajmë të informuar.
