Faker dhuron $25,000 për të luftuar coronavirus në Korenë e Jugut

Të gjithë po bashkojnë forcat kundër virusit

Si dhe pjesa tjetër e botës, edhe esports janë prekur nga coronavirus, me shumë evente që janë shtyrë ose anulluar. League of Legends ka ndryshuar shumë për shkak të këtij virusi, me LPL që është ndaluar, LEC që ka ndryshuar vendin e zhvillimit dhe LCK që është ndaluar deri në 6 mars. Kjo i ndikon shumë fansat dhe lojtarët dhe Faker ka vendosur të dhurojë $25,000 për të luftuar kundër virusit në Korenë e Jugut.

Ylli i SKT T1 ia dhuroi paratë një organizate jo-fitimprurëse të quajtur Community Chest of Korea në 6 mars dhe më pas dha një deklaratë, duke i kërkuar të gjithëve të ndihmojnë në ndalimin e virusit dhe duke treguar mbështetjen e tij për ata që po punojnë.

Donacioni i tij padyshim që e ka ndihmuar organizatën dhe është një mënyrë shumë e mirë për të ndërgjegjësuar më shumë rreth virusit.

Faker nuk është i vetmi që ka bërë donacione, me lojtarë të tjerë si Bdd dhe Chovy që gjithashtu kanë dhuruar secili nga $8400.