Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Kaq pranë vitit të ri sa jemi, ndoshta nuk na shkon në mendje shumë fitness-i, por gjithsesi është e rëndësishme të qëndrojmë të shëndetshëm fizikisht dhe mendërisht. Për të gjithë ata që kanë ndonjë mendje për tu dobësuar këto kohë, ja se si mund ta bëni këtë përmes videolojërave.
Kohët e sotme ka kaq shumë mënyra për tu ushtruar përmes videolojërave. Më poshtë do të gjeni një listë me dhjetë lojërat më të mira për këtë punë. Do e pranojmë që nuk maten me efikasitetin e palestrës, por të paktën sa për të mos ndenjur gjithë ditën shtrirë në divan.
10. RING FIT ADVENTURE
Ring Fit Adventure ishte inspirimi për këtë listë. Në fillim loja dukej pak e çuditshme po të bazoheshe në trailerin e saj, por më vonë çdo gjë filloi të bënte kuptim. Pjesërisht RPG dhe pjesërisht shooter, stërvitja e kësaj loje është argëtuese dhe e dobishme. $80 është pak i thekur si çmim, por për të patur një trup më të shëndetshëm, pse jo.
9. JUST DANCE
Ubisoft duket të jetë në anën e Nintendo sa herë që ata lançojnë një sistem të ri. Just Dance ishte fillimisht ekskluzive për Wii dhe sado që mekanizmat ndoshta nuk ishin më perfektët, loja është bërë shumë më e mirë me kalimin e viteve.
Vetëm sasia e këngëve dhe kërcimeve që janë shtuar gjatë periudhës dhjetë-vjeçare të saj ka qenë fantastike. Nëse një përdorues bën subscribe në Just Dance Unlimited service, atëherë do të ketë mbi 500 kërcime. Nëse jeni vetëm, ose me miq, Just Dance është mënyrë e mirë për tu argëtuar dhe ushtruar në të njejtën kohë.
8. DANCE CENTRAL
Dance Central është në thelb një version më i mirë për Just Dance, për një audiencë më të avancuar. Interface-i dhe këngët e lojës ofrojnë më shumë varietet. Loja është zhvilluar nga Harmonix, që gjithashtu ka punuar edhe me Rock Band.
Nëse lëvizjet e kërcimit gjurmohen vetëm nga një dorë në Just Dance, me rastin e Dance Central është kamera Kincet e Xbox 360 që e bën punën pak më të vështirë për ju.
7. POKEMON GO
Kjo lojë mund të mos ketë lidhje të drejtpërdrejtë me fitness-in, por padyshim që do ju vërë në lëvizje. Është pak të thuash që Pokemon GO ishte fenomeni i verës së 2016s. Literalisht nuk ka fjalë për të shprehur se sa e përhapur ishte si lojë.
Krahas kësaj e bukura e lojës, ishte që i çonte njerëzit në këmbë dhe i mbante në lëvizje. Sigurisht që disa bënë hile duke i kapur pokemonat me makinë, por kini pak sedër dhe tentoni të eni kur ta luani këtë.
6. WII FIT
Para Ring Fit Adventure, Nintendo tendoi Wii Fit në Wii. Loja vinte me Balance Board, që ishte pak a shumë thjesht një shtresë plastike ku mund të praktikoje lëvizjet e yogas. Ç’mund të themi, Wii kishte super shitje në ato kohë.
Wii Fit është shumë e mirë për streching dhe për të arritur një stil jetese më të mirë, por fatkeqësisht nuk është edhe aq qef për tu luajtur.
5. PUNCH-OUT
Në këtë lojë për Wii, u mundësua një sasi më e madhe e argëtimit se në rastin e Wii Fit. Përmes Punch-Out krijohej më shumë ideja e një stërvitjeje tamam. Në fillim mund të mos duket shumë sfiduese si lojë, por me kalimin e kohës do jetë super për të djegur kaloritë e tepërta.
4. SHAPE UP
Ubisoft gjithashtu krijoi një lojë ekskluzive për Xbox One për fitness-in të quajtur Shape Up. Loja nuk arriti kurrë të ishte aq hit sa Just Dance ose Dance Central, por u përpoq.
Problemi këtu ishte se Kincet dhe vetë Xbox One ishin pak si në pikë të hallit në 2014, kur PS4 ishte duke shitur shumë më shumë njësi.
3. DANCE DANCE
Dance Dance Revolution është nona e lojërave për kërcim dhe këtë e themi literalisht. Loja e Konamit është e 1998s dhe ishte ajo që solli idenë e të gjithë lojërave të mëvonshme në stil të ngjashëm. Në të mund të mungonin hitet e radiove të momentit, por mikset e muzikës elektronike nga Japonia dhe vende të tjera, ta vinin trupin në lëvizje.
2. WII SPORTS
Kjo e rradhës mund të mos jetë aq intensive sa zgjedhje të tjera të Wii ose Nintendo në këtë listë, por ajo është e rëndësishme për historinë e fitness-it në gaming gjithsesi. Lojërat e ndryshme në këtë koleksion i jepnin trupit atë që mund ta quajmë si një stërvitje të lehtë.
Boksi me shumë mundësi ka qenë më i përdoruri nga të gjithë, ose të paktën ky ishte trendi kur sistemi u lançua në 2006n.
1. BRAIN AGE
Për ta mbyllur le të themi që shëndeti mendor është më i rëndësishmi nga të gjithë. Brain-Age mund të mos japë stërvitjen fizike, por ka për ti ushtruar qelizat e trurit në maksimum.
