Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Po kërkoni ndonjë film anime interesant? Atëherë keni ardhur në vendin e duhur pasi ne kemi krijuar një listë me filma anime më të mirë të cilët mendojmë se duhet t’i shikoni me patjetër.
Ghost In The Shell(1997)
Në vitin 2029, teknologjia ka avancuar goxha duke bërë të mundur zëvendësimin e pjesëve të trupit me pjesë robotike. Por kjo gjithashtu sjell rreziqet e saj dhe Public Security Section 9 është përgjegjëse për të luftuar rreziqet dhe krimet në qytetin e Niihama.
Major Motoko Musanagi i Section 9 po drejton një çështje e cila përfshin një hacker misterioz të njohur si Puppet Master i cili zhduk memoriet e viktimave të tij. Por teksa ajo ndjek këtë çështje, Motoko zbulon sekrete të fshehta rreth organizatës që bën pjesë por gjithashtu edhe rreth vetes së saj.
Spirited Away(2001)
Teksa udhëton për në shtëpinë e saj të re, Chihiro Ogino e gjen veten në një botë magjike dhe të çuditshme ku jeta e saj ndryshon plotësisht. Prindërit e saj shndërrohen në kafshë dhe ajo ka ngecur në një botë të mbushur me shpirtra. E ngecur në këtë botë, asaj I duhet të jetojë dhe punojë dhe gjithashtu të gjej një rrugë për në shtëpi teksa njihet me shumë personazhe unik dhe të vecantë.
Akira(1988)
Me një narratim të shkëlqyer dhe stil arti që të lë pa fjalë, Akira tregon historinë e Shotaro Kaneda dhe Tetsuo Shima të cilët janë dy adoleshentë pjesë e një bande motoçiklistësh në Tokio në një botë post-apokaliptike. Por jeta e tyre kthehet përmbys kur Tetsuo fiton aftësi telekinetike duke tërhequr vëmendjen e qeverisë dhe organizatave sekrete në këtë botë cyberpunk.
Your Name(2016)
I konsideruar si një ndër filmat më të mirë të dekadës së kaluar, Your Name sjell historinë e një vajze, Mitsuha Miyamizu, dhe një djali, Taki Tachibana, të cilët rastësisht shkëmbejnë trupat me njëri-tjetrin. Kjo i detyron ata të mësojnë më shumë rreth njëri-tjetrit dhe gjithashtu jetës që ata bëjnë. Teksa kërkojnë një zgjidhje për këtë problem, ata mësojnë edhe një sekret që ndryshon të ardhmen dhe fatin e tyre.
Paprika(2006)
Paprika është një film i zhanrit sci-fi thriller i cili tregon se si teknologjia ka avancuar duke hyrë në vendet më të errëta dhe të thella të mendjes njerëzore duke treguar dëshirat, qëllimet dhe sekretet e një njeriu. Por kur kjo teknologji vidhet, Atsuko dhe Kosaku kuptojnë se një problem serioz po rrezikon personat e tyre të afërt. Me ndihmën e oficerit Konakowa, ata vihen në kërkim të hajdutit si në botën reale po ashtu edhe në atë psikologjike.
Redline(2009)
I vendosur në një të ardhme të afërt, garat me makina janë zhvilluar goxha duke u bërë galaktike dhe duke mos njohur limite. Garuesi kokëkrisur JP i cili është i fiksuar pas këtyre garave, i jepet mundësia që të marrë pjesë në garën më të madhe të quajtur Redline.
Por ndryshe nga garat e tjera, Redline nuk njeh asnjë limit ose kufizim me të vetmin rregull i cili është fitorja. Ndiqni aventurat plot adrenalinë të JP dhe garuesve të tjerë të cilët përpiqen të arrijnë vendin e parë. Me një stil arti magjepsës dhe kolonë zanore fantastike, Redline është një film i cili nuk duhet humbur.
A Silent Voice(2016)
Akoma në shkollën fillore, Shouya Ishida bashkë me miqtë e tij përpiqet të gjejë mënyra për t’u argëtuar. Kur një vajzë e cila nuk dëgjon, Shouko Nishimi, transferohet në klasën e tyre, Shouya bashkë me miqtë e tij e bullizojnë atë.
Pasi mamaja e saj njofton shkollën rreth kësaj gjëje dhe Shouko e cila ndërron shkollë, i gjithë faji i hidhet atij. Tashmë i përjashtuar nga miqtë e tij, ai bullizohet dhe injorohet nga miqtë e tij teksa mësuesesit e injorojnë gjithashtu këtë problem.
Tashmë në vitin e tretë të gjimnazit, Shouya akoma vuan nga vendimet e tij në të shkuarën. I penduar nga gabimet që ka bërë, ai vendos që t’i rregullojë ato duke takuar Shouko përsëri dhe t’i kërkoj asaj falje. Ndiqni ribashkimin e Shouya dhe Shouko ku Shouya përpiqet të rregullojë gabimet e tij teksa e shkuara e tij e ndjek akoma.
Fate/ stay night: Heaven’s Feel
Fate/ stay night: Heaven’s Feel është një trilogji filmash anime i cili nuk duhet humbur. Holy Grail është një luftë e dhunshme midis shtatë njerëzish të cilët zotërojnë një luftëtarë nga kohëra të ndryshme të njerëzimit për të luftuar kundër njëri-tjetrit për një artifakt magjik i cili mund të realizojë çdo dëshirë të tyre.
Emiya Shirou i cili aspiron të bëhet një hero dhe të ndihmojë të tjerët, bëhet aksidentalisht pjesë e kësaj lufte pasi sheh një betejë midis disa luftëtarësh në shkollë duke sjellë luftëtarin e tij të quajtur Saber.
Por teksa një seri vrasjesh misterioze nisin në qytetin e tij, ai bashkë me Rin Tohsaka bashkojnë forcat për të zbuluar të vërteten. Por teksa ata mësojnë më shumë rreth këtyre ngjarjeve, shumë të vërteta shfaqen në dritë dhe Shirou kupton se kjo luftë përfshin shumë sekrete të errëta.
Fate/ stay night: Heaven’s Feel përbëhet nga tre filma dhe për të kuptuar më mirë ngjarjet në Fate/ stay night: Heaven’s Feel ne iu rekomandojmë që të ndiqni Fate/ Zero.
Kizumonogatari
Gjithashtu një trilogji, Kizumonogatari tregon historinë e Koyomi Araragi i cili arrin të miqësohet me nxënësen më të mirë të klasës së tij, Tsubasa Hanekaëa. Në bisedë e sipër me të, ai mëson rreth një thashethemi të një vampire bionde e cila ndodhet në qytetin e tij.
I gëzuar që ka bërë një mik të ri, Araragi nuk e vret shumë mendjen për thashethemet dhe vendos që të shkoj për në shtëpi. Por rrugës ai haset me vampiren e cila ndodhet në prag të vdekjes. Ajo i kërkon ndihmë Araragit ku ky i fundit merr një vendim që do të ndryshojë jetën e tij dhe të njerëzve që e rrethojnë përgjithmonë.
Gjithashtu edhe Kizumonogatari përbehet nga tre filma.
