Jujutsu Kaisen sjell një promo speciale për Season 2

Një ndër anime më të famshme dhe të përfolura gjatë kohëve të fundit, Jujutsu Kaisen, do të rikthehet me një Season 2 gjatë vitit 2023. Dhe një promo e zbuluar së fundmi ka sjellë një hype goxha të madh për serinë.

Jujutsu Kaisen është një seri manga dhe anime nga Gege Akutami dhe që mori një famë dhe popullaritet goxha të madh pas adaptimit për herë të parë në anime. Pas Season 1 të anime, një film anime debutoi duke rritur akoma edhe më shumë famë dhe suksesin e serisë. Dhe tashmë një Season 2 është në prodhim për të ardhur gjatë vitit 2023.

Jujutsu Kaisen Season 2 do të prodhohet nga MAPPA dhe akoma nuk kemi shumë detaje se kur do të vijë tamam ose se kush do të jetë pjesë e stafit ose kastit. Dhe nderkohë që presim për Season 2, Crunchyroll ka sjellë një video promo në YouTube i cili ka bërë hype shumë fansa të serisë.

Kjo promo sjell momentet më të mira nga Season 1 i Jujutsu Kaisen dhe nga filmi anime i Jujutsu Kaisen 0. Mbushur me plot aksion, kjo promo ka emocionuar goxha fansa të serisë duke i bërë të paduruar për Season 2.

Për çfarë flet Jujutsu Kaisen?

Jujutsu Kaisen sjell historinë e Yuuji Itadori i cili është një adoleshent normal dhe që kujdeset për gjyshin e tij. Rastësisht një ditë me miqtë e tij ata zbulojnë një objekt misterioz i cili përmban një prej pjesëve të një demon të fuqishëm. Teksa ngjarjet zhvillohen në një mënyrë të paparashikuar, Yuuji e gjen veten me fuqi të reja në një botë të mbushur me gjëra të jashtëzakonshme përtej imagjinatës së tij.

Momentalisht filmi i Jujutsu Kaisen 0 po transmetohet në kinema të ndryshme nëpër botë por fatkeqësisht jo në Shqipëri. Fatmirësisht ju do të keni mundësinë ta ndiqni në Crunchyroll ose nëpërmjet burimeve DVD më 21 shtator të këtij viti.