Filmi anime Demon Slayer: Infinity Train arrin shifra të çmendura

Në një postim në Twitter, Demon Slayer tregon suksesin e madh dhe shifrat e larta që ka arritur me filmin Demon Slayer: Infinity Train

Filmi i shumëpritur i Demon Slayer është duke u transmetuar tashmë në kinematë e gjithë Japonisë dhe sipas një lajmi është zbuluar se filmi anime ka arritur shumë shpejt një shifër të madhe box office. Që prej transmetimit për herë të parë në Japoni të filmit kinematë kanë patur një dyndje të madhe.

Që prej datës 16 tetor, ky film jo vetëm që pati lehtësim të masave të sigurisë për shkak të pandemisë në mënyrë që të shiste sa më shumë bileta që të ishte e mundur, por gjithashtu ka qenë e renditur në majë të listës së box office. Gjithashtu edhe llogaria zyrtare e Demon Slayer në Twitter ka bërë një postim ku konfirmon 10 milion bileta të shitura brenda një kohe prej dy javësh që është me të vërtetë një kohë e shkurtër.

Nuk është surprizë që filmi anime Demon Slayer Infinity Train ka arritur shifra kaq të larta dhe një sukses kaq të madh pasi edhe sezoni i parë i kësaj anime pati një sukses shumë të madh dhe fitoi direkt shumë popullaritet kudo në botë. E konfirmuar direkt pas përfundimit të sezonit të parë, shumë fansa mezi e kanë pritur filmin dhe akoma më shumë po e presin që filmi të transmetohet në kinematë jashtë Japonisë.