Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Kjo verë do të jetë mjaft e ngjeshur për fansat e anime
Vera po vjen dhe me shume anime për fansat e saj. Gjate sezonit te pranverës shume prej anime u shtynë për në verë ose më vonë për shkak të COVID-19. Edhe pse shumë anime u shtynë për në vjeshtë ose në një datë të pacaktuar, vera nuk ka ngelur bosh.
Muajt në vazhdim do të sjellin disa tituj të shumëpritur nga fansat si sezoni i dytë i Re:ZERO -Starting Life in Another World , sezoni i dytë i Fire Force, pjesa e dytë e Sword Art Online Alicization – War of Underworld, si dhe dy tituj origjinal : Great Pretender dhe Deca-Dence Mos të harrojmë këtu edhe filmin e ri A Whisker Away.
Re:ZERO -Starting Life in Another World
Pas suksesit të sezonit të parë ,i cili u pëlqye shumë nga fansat në vitin 2016, vjen sezoni i dytë i Re:ZERO -Starting Life in Another World. Kjo anime flet për Subaru Natsuki, i cili rastësisht e gjen veten në një botë imagjinare. Aty ai sulmohet nga disa banditë dhe shpëtohet nga Satella, një bukuroshe misterioze e cila është në kërkim të distinktivit të saj. Subaru i bashkohet Satellës në kërkimin e saj. Po atë natë ata gjejnë vendodhjen e distinktivin e saj por menjëherë pas kësaj ata vriten nga një forcë e errët. Subaru menjëherë pas kësaj zgjohet përseri në një skenë të njohur për të, rrethuar nga banditët dhe ku shpëtohet nga Satella. Misteri shtohet cdo herë edhe më shumë teksa historia përsërit vetveten. Sezoni i ri mendohet që nis atje ku mbaroi sezoni i parë dhe pritet që të fokusohet më shumë në fuqitë e Subaru dhe në zgjidhjen e misterit rreth fuqive të tij. Transmetimi pritet të nis ne korrik.
Great Pretender
Edamura Masato supozohet të jetë mashtruesi më i mirë në Japoni. Bashkë me partnerin e tij Kudo, përpiqen të mashtojnë Francezin por papritur ata mashtrohen nga ai. Francezi të cilin ata deshën të mashtronin del se është Laurent Thierry, një njëri i cili kontrollon mafian. Edamura pret të zbuloj fatin që e pret pasi bëhet pjesë e punëve të pista të Francezit.
Transmetimi ka nisur më 2 qershor në Netflix Japan me 5 episodet e para dhe më 8 korrik në Fuji TV. Great Pretender pritet të kete 23 episode.
Deca-Dence
Njerëzimi u shkatërrua thuajse plotësisht nga një rracë e panjohur e quajtur Gadoll. Të mbijetuarit tani duhet të jetojnë në një fortesë 3000 metra të lartë të lëvizshme të quajtur Deca-Dence për tu mbrojtur veten nga kërcenimi i Gadoll. Banorët e kësaj fortese janë ndarë në dy kategori: Gears , luftëtarë të cilët luftojnë Gadoll cdo ditë dhe Tankers, ata pa aftësi për të luftuar. Një ditë Natsume, një vajzë Tanker e cila ëndërron të bëhet një Gears, njihet me Kaburagi , një riparues i pjesës së jashtme të fortesës. Ky takim midis këtyre dy poleve të kundërta, një vajze me një qëndrim pozitiv dhe optimist e cila nuk heq dorë lehtë nga ëndrrat e saj dhe një realisti i cili ka hequr dorë nga shumë gjëra do të bëj që të të ardhmen e kësaj bote. Transmetimi pritet të nis në korrik.
Fire Force
Në një botë kaotike ku njerëzit rastësisht shndërrohen në krijesa të dhunshme dhe të zjarrtë/ të flaktë , këto krijesa njihen si Infernals. Pas Infernals të cilët u quajtën gjenerata e parë , u shfaqën edhe njerëz të cilët mund ta krijonin ose kontrollonin zjarrin/flakën duke ruajtur formën njërëzore. Për të kontrolluar rrezikun nga Infernals u krijua organizata The Special Fire Force. I riu dhe i paduruari i gjeneratës së tretë Shinra Kusakabe, i ashtuquajtur Devil’s Footprints, i bashkohet Special Fire Force Company 8 për tu bërë një hero i cili ka për qëllim të shpëtoj njërezit nga terrori i flakëve/ zjarrit dhe për të zgjidhur misterin e zjarrit të mistershëm pas vdekjes së familjes së Shinra 12 vite më parë.
Në ketë sezon prit që Shinra të përpiqet të takoj prapë vëllain e tij dhe të zbuloj sekretet rreth Adolla Burst dhe Evangelion. Nis transmetimin në korrik.
A Whisker Away
Miyo Sasaki, ose e quajtur ndryshe Muge (që do të thotë mistere të pafundme) ka një personalitet të ndritur dhe është plot energji, si në shkollë, por gjithashtu edhe në shtëpi. Ajo gjithashtu është në dashuri më Kento Hinode, shokun e saj të klasës. Miyo përpiqet që të tërheq vëmendjen e Kento por Kento nuk arrin ta kuptojë. Ajo kupton që e vetmja mënyrë për t’iu afruar është që ajo të transformohet në një mace, por ajo arrin në një pikë ku nuk mund të bëjë dallimin midis jetës së saj si njeri dhe si mace. Data e transmetimit do të jete 18 qershor dhe do të transmetohet fillimisht në Netflix Japan.
