Ender Lilies: Quietus of the Knights është loja më e fundit e zhanrit Metroidvania dhe Souls-like e cila vjen nga Binary Haze Interactive. Me një miksim të bukur të zhanrit metroidvania dhe souls, Ender Lilies sjell një aventurë të re dhe tepër tërheqëse.
Ender Lilies iu vendos në rolin e Lily, një vajze të re priftëreshë e cila zgjohet në rajonit e “Land’s End”, një mbretëri e izoluar e cila ka rënë pre e një mallkimi të quajtur Blight. Për shkak të këtij mallkimi të gjithë banorët e kësaj mbretërie janë shndërruar në krijesa të frikshme. Tashmë është në dorën e Lily që të ndihmojë këta njerëz dhe t’i shpëtojë ata.
Edhe pse Lily nuk mund të luftojë kundër rreziqeve që udhëtimi i saj ka, ajo përdor shpirtrat e “armiqve” të cilët dikur i kanë shërbyer mbretërisë por mallkimi i Blight i bëri ata të shkonin “berserk”. Pas mundjes së secilit ju do të mësoni rreth historisë së shpirtit dhe do të merrni një aftësi te re duke filluar që prej aftësive sulmuese si gjuajtjet me shpata, me shigjeta, magji dhe deri tek ato pasive si kërcim më i lartë ose notimi nën ujë.
Ju mund t’i ndani aftësitë sulmuese në dy grupe ku secili grup mban tre shpirtra dhe mund të ndryshoni grupin që përdorni sipas dëshirës. Për sa i përket aftësive pasive, ato mund t’i përdorni kur të doni në varësi të situatës dhe mënyrës se si ato aktivizohen.
Gjatë avancimi në lojë, ju do të kuptoni se do të përballeni me dhoma të ndryshme në formën e një labirinti ku do t’iu duhet të eksploroni çdo dhomë në detaje dhe të ktheheni shpesh mbrapa pothuajse sa herë që merrni një aftësi të re. Por mos u shqetësoni shumë pasi gjatë avancimit në histori do të mund të bëni fast travel në vende të caktuara.
Në këto vende të caktuara ju mund të pushoni, të përmirësoni shpirtrat tuaja, të ndërroni relics ose shpirtrat dhe më shumë. Gjithashtu këto vende shpërbejnë edhe si respawn point dhe për të bërë save progresin tuaj.
Gjithashtu mos harroni të mblidhni letrat dhe relics që do të hasni gjatë rrugës. Letrat do t’iu japin informacione të ndryshme të cilat mund t’iu ndihmojnë gjatë avancimit në lojë kurse relics iu japin një buff ose iu ndihmojnë në aspekte të caktuara.
Ender Lilies iu ofron një shumëllojshmëri shpirtrash që mund të përdorni prandaj mos ngurroni të eksperimentoni me to duke gjetur kombinimin tuaj që iu përshtatet më mirë. Për t’i bërë upgrade shpirtrat, ju do t’i merrni ato gjatë vrasjeve të armiqve ose gjetjes së trupave të caktuar.
Kur vjen puna tek përballjet me bosses, përpiquni të mësoni lëvizjet e tyre dhe gjeni shpirtrat me të cilët mund ta luftoni kundërshtarin tuaj më mirë. Bosses kalojnë në faza të ndryshme sa herë që health i tyre arrin në një pikë të caktuar dhe në çdo fazë ato sjellin lëvizje dhe sulme të reja. Kjo gjë na dha ndjesinë deri diku sikur po luanim një nga lojërat e serisë Souls të FromSoftware.
Dhe për ta përmirësuar akoma edhe më shumë këtë eksperiencë, gjatë gjithë rrugëtimit tuaj do t’iu shoqërojë një shumëllojshmëri e madhe kolonash zanore duke filluar meloditë e thjeshta të pianos dhe deri tek ato të ngjashme të një orkestre.
Gjithashtu duhet përmendur që grupi muzikor i muzikës së Ender Lilies është Mili i cili njihet për muzikën e tyre në anime të ndryshme të famshme si Goblin Slayer dhe Ghost in the Shell.
Dhe gjithashtu të mos harrojmë të përmendim aspektin vizual të mrekullueshëm të Ender Lilies. Edhe pse është në stilin 2D, kjo e ndihmon lojën që të sjell dizajn fantastik të karaktereve dhe të ambienteve që do të eksploroni. Duhet përmendur që çdo gjë që prej ambienteve dhe deri tek ndriçimi ose armiqtë janë krijuar deri në detaje duke iu dhënë një emocion tjetër kur luani Ender Lilies.
Diçka që nuk na pëlqeu ishte fakti që ndonjëherë humbje dhe nuk dije se ku duhet të shkoje ose se si të kaloje diku duke na bërë të kërkonim kot në shumë dhoma ose të kërkonim më shumë informacione nëpër guida. Gjithashtu edhe bosses janë ndonjëherë tepër të vështirë duke iu shtyrë ndonjëherë që të mos e vazhdoni lojën, ndryshe nga seria e Souls.
Ju mund ta mbaroni lojën për afërsisht 15-16 orë nëse nuk hasni vështirësi dhe nuk mblidhni çdo collectibles. Nëse kërkoni ta plotësoni lojën 100%, atëherë do t’iu duhet të ktheheni në pothuajse çdo dhomë dhe ta eksploroni atë.
Për ta përmbledhur, Ender Lilies: Quietus of the Knights është një ndër lojërat më të mira të 2021 e cila sjell shumë bukur zhanrin Metroidvania miksuar me atë Souls-like. Arti fantastik, combat, muzika dhe më shumë do t’iu shtyjnë që ta luani gjithmonë edhe më shumë.