Zhvilluesit e R6S iu përgjigjen kritikave të sistemit “Ping 2.0”

Lojtarët kërkojnë heqjen e sistemit “Ping 2.0” disa ditë pas prezantimit

Ping 2.0 është një sistem të cilin Ubisoft e zhvilloi për Rainbow Six Siege për të përmirësuar komunikimin midis lojtarëve por ky sistem i ri nuk është pritur mirë nga komuniteti. Shumë lojtarë e kanë që ky sistem nuk është i drejtë pasi mund të bëni ping kundërshtarët të cilët nuk e marrin vesh ketë gjë duke i vendosur në disavantazh.

Qëllimi i Ubisoft për këtë sistem ishte i mirë pasi jo t gjithë kanë mundësinë për të folur dhe duke përdorur sistemin Ping 2.0 lojtarët do të komunikonin më mirë midis njëri-tjetrit pa pasur nevojë për mikrofon. Duke parë kritikat dhe komentet se sa “i fuqishëm” ky sistem është, zhvilluesit e lojës kanë folur për sistemin e ri dhe për planet që kanë në lidhje me të.

Ata kanë folur në një postim në blog e tyre duke shprehur arsyet dhe qëllimin e tyre. Ata shprehen se e dinë që ky sistem do të kishte një impakt të madh mbi pjesën kompetitive duke krijuar mundësi të reja për koordinim dhe komunikim midis lojtarëve. Gjithashtu ata bëjnë të ditur se do ta vëzhgojnë nga afër ketë sistem dhe se si ndikon mbi attackers pasi ky sistem ndikon më shumë mbi ata.

Deri më tani, Ubisoft ka vendosur të besoj tek ky sistem dhe se me kalimin e kohës lojtarët do të kuptojnë se ky sistem nuk aq “i fuqishëm” sa ata mendojnë. Por nëse lojtarët vazhdojnë akoma të kritikojnë dhe të shprehin mospëlqimin ndaj këtij sistemi ndoshta së shpejti do të kemi një update të ri.