Zbulimi zyrtar i Samsung Galaxy S21 pritet të vijë në 14 Janar

Gjigandi elektronik i Koresë së Jugut, Samsung Electronics konfirmoi zyrtarisht të hënën lançimin e smartphone-it të saj, Galaxy S21. Seria e telefonave smart Galaxy S21 të Samsung do të zbulohet në eventin online Galaxy Unpacked në 5 pasdite në 14 Janar me temën “Welcome to the Everyday Epic”.

Në ftesën e saj për eventin, Samsung tha, “Gjatë vitit të kaluar, teknologjia mobile ka zënë vendin kryesor në jetën e përditshme pasi njerëzit po punojnë në distancë dhe po kalojnë më shumë kohë në shtëpi. Kalimi i përshpejtuar në një botë mobile sjell me vete nevojën për pajisje që mund të shndërrojnë jetën e përditshme në një përvojë të jashtëzakonshme.”

Çdo vit në muajin Shkurt, Samsung, organizon një event për të zbuluar telefonat e saj të rinj për gjysmën e parë të vitit, por këtë vit, kompania vendosi t’i prezantojë ata herët për t’u përballur më mirë me situatat sfiduese të tregut. Pjesë e këtij eventi ishim dhe ne gjatë vitit të kaluar kur u prezantua seria e Samsung Galaxy S20.

Falë pandemisë në vazhdim, ka të ngjarë që Samsung të shfaqë njoftimet për shtyp të Galaxy S21, Galaxy S21 Plus dhe Galaxy S21 Ultra menjëherë pasi të ndodhë njoftimi zyrtar. Duket gjithashtu se ata që dëshirojnë të sigurojnë një porosi paraprake të ndonjërit prej tre modeleve nuk do të duhet të presin gjatë.

Me kaq shumë që pritet të ndodhin në 14 Janar, ne do të jemi këtu duke siguruar updates në kohë për lexuesit tanë, kështu që sigurohuni që të qëndroni të përditësuar dhe do të kemi të gjitha njoftimet në dispozicion për ju.