Një ribashkim i The Office është brenda mundësive

Për shumë fansa, bota e serialeve televizive nuk ka qenë e njejtë që kur The Office ndërpreu transmetimin e saj në 2013. Duke nisur si një adaptim i serialit origjinal britanik, hasi disa vështirësi fillimisht në sezonin e parë, deri në pikën ku devijoi nga burimi fillestar i materialit dhe lulëzoi në kryeveprën komike që njohim sot.

Sezonet pasuese morën vlerësime shumë të mira nga kritika dhe vazhduan kështu deri në finalen e serive, me skena që të pahurreshme që citohen edhe sot. Pas kësaj pike një ribashkim ka qenë një ëndërr për të gjithë fansat, ose më saktë një dëshirë, e cila për shkak të eventeve të fundit ka filluar të dalë sërish në sipërfaqe.

Që kur The Office u mbyll, anëtarët e kastit kanë vazhduar karrierën me role më të mëdha. Steve Carell, që luajti Michael për shtatë sezone do të bëhej më i suksesshmi me role protagoniste në filma si Despicable Me dhe Anchorman 2. Së shpjeti Carell do të bashkohet me producentin e The Office, Greg Daniels, për Space Force të Netflix në maj, gjë që sigurisht solli një rritje të interesit nga komuniteti i fansave të The Office.

Kur u pyet për këtë tematikë Daniels shprehu mirënjohje që kishte mundësi të punonte sërish me Carell. Më tej ai tha se ka një mundësi që diçka të sajohet për një ribashkim, por theksoi se nuk dëshiron të ndryshojë asgjë në linjën e personazheve që tashmë morën fundin e tyre të lumtur. Së fundmi Daniels tha se kishte ende një skenar të Sezonit të parë të quajtur “Pet Day”. Ky i fundit nuk u xhiruar kurrë dhe ai tha me shaka se kjo do të ishte arsye e mjaftueshme për t’i bashkuar të gjithë edhe një herë.

Edhe anëtarë të tjerë të kastit të The Office kanë shprehur dëshirën për një ribashkim përgjatë viteve. Ide të ndryshme janë hedhur, si përshembull një episod i veçantë për Krishtlinde, një reboot i mundshëm ose thjesht një ritakim i kastit. Në fund nuk mund të konfirmojmë ende asgjë, por mbetet të presim dhe të shohim se çfarë do të ndodhë në të ardhmen.