Super Meat Boy Forever nuk do të lançohet në prill siç pritej

Megjithatë, ekskluzivja e Epic Games Store nuk do të vonojë shumë

Super Meat Boy Forever pritej të lançohej në Epic Games Store këtë muaj, por në një deklaratë në Twitter, Team Meat lajmëroi se loja do të shtyhej, “por jo shumë pas prillit të 2019“. Mesa duket kjo po bëhet për një arsye të mirë: studioja dëshiron të ketë kujdes e të mos lançojë një lojë të papërfunduar.

“Jemi duke punuar në pjesët e fundit të Super Meat Boy Forever me shpejtësi rekord e me ritëm të shëndetshëm e të vazhdueshëm. Do të vazhdojmë me këtë ritëm, çka do të thotë se loja nuk do të lançohet në prill 2019. Na falni për këtë” shkruajnë zhvilluesit.

“Mund të kishim sakrifikuar mendjet, trupat dhe jetët tona shoqërore për t’a nxjerrë lojën brenda prillit, por ky është një budallallik. Team Meat nuk është një studio në pronësi të një Evil Asshat (e bukur kjo Team Meat) që të na thotë se çfarë duhet të bëjmë dhe si duhet t’a bëjmë atë. Jemi me fat që kemi kontroll mbi mënyrën si punojmë dhe ne zgjodhëm të mos torturohemi”. Më poshtë mund të lexoni mesazhin e plotë:

Pasardhësja e auto-runner-it Super Meat Boy pritet të marrë një DLC “super të vështirë” pas lançimit e gjithashtu pritet të ketë një krijues nivelesh. Është e ndryshme nga paraardhësja, por esenca ngelet e njëjta në aspektet më të rëndësishme. Na pritet vetëm të presim ditën e lançimit.